पोखरा
सातसय कोल्मा बहाकोट सम्पर्क मञ्च, स्याङ्जा जिल्लामा स्थित एक प्रतिष्ठित सामाजिक संस्था हो, जसले राष्ट्रिय र अन्तर्राष्ट्रिय स्तरका खेलकुद प्रतियोगिताहरू सञ्चालन गर्दै आएको छ। २०७५ सालमा दर्ता भएको यो संस्था विशेष गरी क्रसकन्ट्री दौड प्रतियोगिता आयोजना गर्दै आएको छ, र यस वर्ष २०८१ सालको पाँचौं संस्करण २३ डिसेम्बर २०२४ (पौष ८ गते) मा आयोजना गर्ने भएको छ। यस प्रतियोगितामा २५ किमि खुल्ला दौड, १० किमि महिला दौड, २१ वर्ष मुनिका लागि दौड र विद्यालय स्तरका दौड समावेश गरिएका छन्। साथै, सांस्कृतिक कार्यक्रमहरू पनि प्रस्तुत गरिनेछन्।
प्रतियोगिता संयोजक जीवन प्रसाद पोख्रेलका अनुसार, उत्कृष्ट प्रदर्शन गर्ने खेलाडीलाई आकर्षक पुरस्कार दिइनेछ। खुल्ला दौडका विजेतालाई ५० हजार रुपैयाँ नगद, ट्रफी, मेडल र प्रमाणपत्र, महिला दौडका विजेतालाई १५ हजार रुपैयाँ नगद, ट्रफी, मेडल र प्रमाणपत्र, २१ वर्ष मुनिका खेलाडीहरूको दौडका विजेतालाई पनि १५ हजार रुपैयाँ नगद, ट्रफी, मेडल र प्रमाणपत्र प्रदान गरिनेछ। विद्यालयस्तरीय दौडका विजेतालाई १२ हजार रुपैयाँ नगद, ट्रफी, मेडल र प्रमाणपत्र दिइने छ। प्रतियोगितामा सहभागी सबैलाई मेडल र प्रमाणपत्र दिइने छ।
यस प्रतियोगितामा सांस्कृतिक कार्यक्रमहरूको आयोजना पनि गरिने छ, जसले स्थानीय भाषा, संस्कृति र खानाको संरक्षण गर्दै आन्तरिक पर्यटनलाई प्रोत्साहन गर्ने लक्ष्य राखेको छ। संस्थाका अध्यक्ष सु.मे. दुतप्रसाद गुरुङका अनुसार, यस प्रतियोगिताले क्षेत्रीय स्तरमा पर्यटन र खेलकुदको विकासमा महत्वपूर्ण योगदान पुर्याउने छ र यसका माध्यमबाट सामाजिक र सांस्कृतिक गतिविधिहरूको विस्तार हुनेछ।
संस्थाले आन्तरिक पर्यटन प्रवर्द्धन, स्थानिय संस्कार र खेलकुदको संरक्षणमा महत्वपूर्ण भूमिका निर्वाह गर्दै आएको छ। यस अवसरमा, देश तथा विदेशबाट विभिन्न संघ-संस्थाहरूको सहयोग प्राप्त भएको छ, र सबैलाई आर्थिक, भौतिक र नैतिक सहयोगको अपिल गरिएको छ।
यस प्रतियोगिताको व्यवस्थापन स्याङ्जा जिल्लाको पुतलीबजार नगरपालिका वडा नं. ५ कार्यालयको सहयोगमा हुनेछ र यसले स्याङ्जा, पुतलीबजार, बिरुवा गाउँपालिका र तनहुँको शुक्लागण्डकी नगरपालिका क्षेत्रलाई समेटेर सञ्चालन गरिने छ। यसका साथै, पहिलेका प्रतियोगिताहरूमा भारतीय धावकहरू र विभागीय टोलीहरूको बर्चस्वले प्रतिस्पर्धालाई रोमाञ्चक र सफल बनाएको थियो, र यस वर्ष पनि यो प्रतियोगिता निकै प्रतिस्पर्धात्मक हुने अपेक्षा गरिएको छ।
एस्तै खाल्को प्रथम पर्वतीय दौड प्रतियोगिता – शान्ति स्तुपा, पुम्दिकोट देखि बुद्ध पार्कसम्म ८ कि.मि. दूरीमा एस् अघिनै सफलतापुर्बक सम्पन्न भएको थियो। साथै,। यी कार्यक्रमहरूले पर्वतीय दौडको क्षेत्रमा नयाँ प्रोत्साहन दिएको छ र भविष्यमा यस्ता प्रतियोगिताहरूले देश विकासमा मद्दत पुर्याउने अपेक्षा गरिएको छ।
आयोजकले सबैलाई २०८१ सालको पाँचौं क्रसकन्ट्री दौड प्रतियोगिता र पर्यटन प्रवर्द्धनको महत्त्वपूर्ण अभियानमा सहकार्य गर्न अनुरोध गरेको छ।
संपर्क:
अध्यक्ष: सु.मे. दुत प्रसाद गुरुङ
संयोजक:९८०४१३९०१२