काठमाडौं,
बलेफी र बाह्रबिसे, सिन्धुपाल्चोक, नेपाल – जेठ 16, 2081 – एक उद्देश्य, मुख्यतया शिक्षाको माध्यमबाट विपन्न समुदायलाई सशक्तिकरण गर्न समर्पित गैर-लाभकारी संस्था हो। यस संस्थाले जेठ 16 गतेका दिन बलेफीको बनसाँघु माध्यमिक विद्यालय र बाह्रवीसे स्थित केतु अंग्रेजी बोर्डिङ स्कूलमा स्टेशनरी वितरण अभियान सञ्चालन गरेको छ।
यस अभियानको उद्देश्य आवश्यकतामा परेका विद्यार्थीहरूलाई आवश्यक विद्यालय आपूर्तिहरू उपलब्ध गराउने, सकारात्मक सिकाइ वातावरणलाई प्रवर्द्धन गर्ने र शैक्षिक अवसरहरू बढाउने थियो।
गरिबीका कारण आधारभूत अध्ययन सामग्री उपलब्ध गराउन कठिनाइ भोगिरहेका, शारीरिक वा बौद्धिक असक्षमता भएका वा अनाथ भएका ६० जना विद्यार्थीहरूलाई यस अभियान बाट सहयोग गरिएको थियो। उनीहरूलाई नोटबुक, कलम, पेन्सिल, इरेजर, शार्पनर, रङ र ज्यामितिय बक्स सेट जस्ता आधारभूत कुराहरू उपलब्ध गराइयो।
एक उद्देश्यका कार्यक्रम संयोजक अंकिता श्रेष्ठले भनिन्, “एक उद्देश्यमा, हामी विश्वास गर्छौं कि प्रत्येक बालबालिकाले गुणस्तरीय शिक्षामा पहुँच पाउनु पर्छ र यी शैक्षिक सामाग्रीका आपूर्ति त्यो लक्ष्य हासिल गर्नको लागि एउटा सानो कदम हो।”
यदि तपाईं पनि उहाँहरूलाई सहयोग गर्न चाहनुहुन्छ भने, तपाईंले उहाँहरूको वेबसाइट www.theonepurposefoundation.org वा Instagram, Facebook र LinkedIn मा रहेको @theonepurposefoundation मा गएर र सिधै सम्पर्क गरेर सहयोग गर्न सक्नुहुन्छ।
