१४औँ पोखरा महोत्सवको सम्पूर्ण तयारी पूरा, पौष २९ देखि माघ ११ सम्म सञ्चालन
पोखरा
१४औँ संस्करणको पोखरा महोत्सवको सम्पूर्ण तयारी पूरा भएको छ। अमरसिंह माध्यमिक विद्यालयको विशाल खेलमैदानमा आगामी पौष २९ गतेदेखि माघ ११ गतेसम्म सञ्चालन हुने महोत्सवबारे जानकारी दिँदै युनाइटेड क्लबका प्रचार–प्रसार संयोजक दिनेश सुनारले पत्रकार सम्मेलनमार्फत सम्पूर्ण तयारी अन्तिम चरणमा पुगेको बताएका छन्।
“युवाको जाँगर, राष्ट्र निर्माणको आधार” भन्ने मूल नारासहित २०६७ सालमा स्थापना भएको युनाइटेड क्लबले विगत १३ वर्षदेखि निरन्तर पोखरा महोत्सव आयोजना गर्दै आएको छ। क्लबले शिक्षा, स्वास्थ्य, खेलकुद र पर्यटन प्रवर्द्धनलाई केन्द्रमा राख्दै १४औँ संस्करणसम्म आइपुगेको सुनारले जानकारी दिए।
पोखरा महोत्सवबाट संकलित आम्दानीमार्फत पोखरा र आसपासका २० वटा सामुदायिक विद्यालयमा छात्रवृत्ति अक्षयकोष स्थापना गरिसकेको बताउँदै उनले स्वास्थ्यतर्फ दुर्गम तथा ग्रामीण भेगका नागरिकलाई लक्षित गरी नि...
