ताजा समाचार

“स्वास्थ्य र समृद्धिका लागि खेलकुद” भन्ने नाराका साथ नेपाल खेलकुद पत्रकार मञ्च गण्डकी को आयोजनामा खेलकुद पत्रकारहरूको क्षमता अभिवृद्धि गर्ने उद्देश्यले गण्डकी प्रदेश खेलकुद पत्रकारिता तालिम सुरु गरिएको छ। दुई दिने उक्त तालिम नेपाल पत्रकार महासंघ कास्की को सभाहलमा सञ्चालन गरिएको हो। कार्यक्रममा गण्डकी प्रदेश सरकार मुख्यमन्त्री तथा मन्त्रिपरिषद् कार्यालय तथा प्रेस रजिस्ट्रार कार्यालय गण्डकी को सहयोग रहेको छ। तालिम कार्यक्रममा पत्रकारहरूको उल्लेखनीय उपस्थिति रहेको छ। कार्यक्रमको उद्घाटन प्रेस रजिस्ट्रार बिमला भण्डारी ले गर्नुभएको थियो। उद्घाटन समारोहमा बोल्दै उहाँले नयाँ तथा अनुभवी पत्रकारहरूले तालिमबाट प्राप्त ज्ञानलाई व्यवहारमा उतारी खेलकुद पत्रकारितालाई अझ सशक्त बनाउनुपर्ने बताउनुभयो। उहाँले पत्रकारहरूलाई आफ्नो कलमलाई अझ तिखार बनाउन आग्रह समेत गर्नुभयो। कार्यक्रमका सभापति तथा...

काठमाडौँ क्षेत्र नम्बर ३ मा रास्वपाका राजुनाथ पाण्डेले १८,७५७ मत ल्याएर विजयी भएका छन्। उनका निकटतम प्रतिद्वन्द्वी उज्यालो नेपाल पार्टीका अध्यक्ष कुलमान घिसिङ ११,१७१ मतसहित पराजित भए।

पोखरा महतगौंडास्थित जानकी माध्यमिक विद्यालय मा रहेका मतदान केन्द्रहरूमा उल्लेख्य मत खसेको छ। मतदान अधिकृत जीवन पोडेल का अनुसार क केन्द्रमा कुल ७२८ मतदातामध्ये हालसम्म ४५१ मत खसेको छ। यस्तै ख केन्द्रमा ७५० मतदातामध्ये ४९७ मत खसेको छ भने ग केन्द्रमा ७८४ मतदातामध्ये ४९२ मत खसेको जानकारी दिएका छन्। उनका अनुसार मतदान प्रक्रिया शान्तिपूर्ण रूपमा सञ्चालन भइरहेको छ भने मतदाताको सहभागिता पनि राम्रो देखिएको छ। ...

कास्की क्षेत्र नम्बर ३ अन्तर्गत पोखरा–२४ कास्किकोटमा रहेको श्री कालिका माध्यमिक विद्यालय मतदान केन्द्रमा मतदान उत्साहजनक रूपमा भइरहेको छ। प्रतिनिधि सभा सदस्यको निर्वाचनका लागि स्थापना गरिएको उक्त मतदान केन्द्रमा करिब ४४८६ मतदाता रहेकोमा हालसम्म करिब १६०० मत खसेको जानकारी प्राप्त भएको छ। प्रदेश प्रमुख कार्यालयका मतदान अधिकृत चण्डी प्रसाद आर्यालका अनुसार बिहानदेखि नै मतदाताको उपस्थिति उल्लेख्य रहेको छ। उनले मतदान प्रक्रिया शान्तिपूर्ण र व्यवस्थित ढङ्गले अगाडि बढिरहेको बताए। मतदान केन्द्रमा सुरक्षाकर्मीको उपस्थिति रहेको छ भने मतदाता पनि लाइनमा बसेर आफ्नो मताधिकार प्रयोग गरिरहेका छन्। स्थानीयवासीले उत्साहका साथ मतदानमा सहभागिता जनाइरहेका कारण दिनभरि मतदाताको चहलपहल देखिएको छ। मतदान अधिकृत आर्यालले बाँकी समय पनि मतदान शान्तिपूर्ण रूपमा सम्पन्न हुने अपेक्षा गरिएको जानकारी द...

मतदान स्थलबाट लिइएको फोटोमा क्षेत्र नम्बर २ को यस्तो दृश्य देखिएको छ। निर्वाचन रिपोर्टिङ फोटो ।  मतदान स्थलबाट लिइएको फोटोमा क्षेत्र नम्बर २ को यस्तो दृश्य देखिएको छ। निर्वाचन रिपोर्टिङ फोटो । 

पोखरा पोखरा महानगरपालिका–१८ खपौदीस्थित फेवातालमा माछा मार्न जाल हान्ने क्रममा एसएलआर राइफल र १८ राउण्ड गोली बरामद भएको छ। जिल्ला प्रहरी कार्यालय, कास्कीका अनुसार मिति २०८२।१०।२९ गते साँझ करिब ५ बजे स्थानीय ४२ वर्षीय कुमार जलारीले जालमा हतियार अड्किएको सूचना दिएपछि प्रहरी टोली घटनास्थल पुगेको थियो। नेपाल प्रहरी प्रदेश कार्यालय पोखरा, जिल्ला प्रहरी कार्यालय कास्की र वडा प्रहरी कार्यालय बैदाम कास्कीबाट टोली तुरुन्तै घटनास्थलतर्फ अगाडि बढी अनुसन्धान सुरु गरेको थियो। प्रहरीले मु वा १११ (बट) नम्बर तथा बडी नं. १३८१० लेखिएको एसएलआर हतियार १ थान र सोही हतियारमा लोड गरिएको १८ राउण्ड गोलीसहितको म्यागजिन १ थान बरामद गरेको जनाएको छ। प्रारम्भिक अनुसन्धानपछि थप अनुसन्धान प्रक्रिया अगाडि बढाइएको जिल्ला प्रहरी कार्यालय कास्कीले जनाएको छ। बरामद हतियारको फोटो तथा विवरण प्रहरी नायव उपर...

पोखरामा निर्वाचन रिपोर्टिङसम्बन्धी दुई दिने तालिम सम्पन्न भएको छ। नेपाल पत्रकार महासंघ कास्कीको आयोजनामा तथा प्रेस रजिष्ट्रारको कार्यालय गण्डकी प्रदेशको सहयोगमा बुधबारदेखि सुरु भएको तालिम बिहीबार सम्पन्न भएको हो। तालिम समापन समारोहमा बोल्दै गण्डकी प्रदेशकी प्रेस रजिष्ट्रार बिमला भण्डारीले निर्वाचन लोकतन्त्रको उत्सव भएको उल्लेख गर्दै यस अवधिमा पत्रकारहरूले अझ बढी संवेदनशील र निष्पक्ष भएर समाचार सम्प्रेषण गर्नुपर्ने बताउनुभयो। उहाँले स्वच्छ, शान्त र निष्पक्ष निर्वाचन सुनिश्चित गर्न आम सञ्चारमाध्यमको भूमिकालाई ध्यानमा राख्दै तालिम आयोजना गरिएकोप्रति महासंघ कास्कीलाई धन्यवाद दिनुभयो। तालिममा सहभागी पत्रकारहरू शिशिर पौडेल, खिम गुरुङ र तिलक पुनले आफ्ना अनुभव साझा गर्दै तालिमबाट निर्वाचन प्रक्रिया र जिम्मेवार रिपोर्टिङबारे उपयोगी ज्ञान प्राप्त भएक...

पोखरा नेपाल भूतपूर्व खेलाडी मञ्चद्वारा आयोजना हुने २०औँ सफल पोखरा अन्तर्राष्ट्रिय म्याराथन–२०८२ को सम्पूर्ण तयारी अन्तिम चरणमा पुगेको छ। प्रतियोगिता फागुन २ गते शनिबार पोखरामा आयोजना हुँदैछ। २०५८ सालमा स्थापना भएको नेपाल भूतपूर्व खेलाडी मञ्चले खेलकुद विकास, खेल संस्कृतिको प्रवर्द्धन र खेलकुदमार्फत पर्यटन प्रवर्द्धन गर्ने उद्देश्यसहित पोखरा म्याराथनलाई निरन्तरता दिँदै आएको छ। सिटी म्याराथनको अवधारणाअनुसार सुन्दर पर्यटकीय नगरी पोखरालाई खेलकुदको विश्व मानचित्रमा स्थापित गराउने लक्ष्य आयोजकको रहेको छ। मञ्चका अध्यक्ष दिलबहादुर गुरुङले पोखरा म्याराथनलाई वर्षको एक दिन सहरकै उत्सवका रूपमा स्थापित गर्ने प्रयास भइरहेको बताए। “खेलाडीहरू घर–घर अगाडि पुग्दा स्थानीयवासीले घडा र कलश राखेर स्वागत गर्ने संस्कृति पोखरा म्याराथनको पहिचान बनेको छ,” उनले भने। साथै, ...

पोखरा , भेडाको साँड जुधाईसहित विविध खेलकुद कास्कीको पर्यटकीय गाउँ घान्द्रुकमा फागुन ६ देखि ९ गतेसम्म ‘घान्द्रुक पर्यटन महोत्सव–२०८२’ आयोजना हुने भएको छ। घान्द्रुक पर्यटन व्यवस्थापन समिति र रोधीं क्लब कोँड (घान्द्रुक)को संयुक्त आयोजनामा मेश्रम बराह माध्यमिक विद्यालयको प्राङ्गणमा महोत्सव सञ्चालन हुने रोधीं क्लब कोँड (घान्द्रुक)का वरिष्ठ उपाध्यक्ष लामा अमृत गुरुङले जानकारी दिए। ‘सबै मौसममा पर्यटन’ भन्ने नारासहित विगत केही वर्षदेखि निरन्तर रूपमा महोत्सव आयोजना हुँदै आएको उल्लेख गर्दै उपाध्यक्ष गुरुङले खेलकुदको माध्यमबाट पर्यटन प्रवर्द्धन गर्ने उद्देश्यका साथ यसपटक पनि महोत्सव आयोजना गरिएको बताए। घान्द्रुक पर्यटन व्यवस्थापन समितिका अध्यक्ष विक्रम गुरुङले महोत्सव अवधिभर घान्द्रुक आउने पर्यटकलाई होटल तथा होमस्टेमा १५ प्रतिशत छुटको व्यवस्था गरिएको जानकारी दिए। उ...

पोखरा सहारा क्लब पोखराद्वारा आयोजित क्याराभान गोल्डकप सहित राष्ट्रिय तथा अन्तर्राष्ट्रिय अन्तर–क्लब आमन्त्रित २५औँ आहा ! रारा पोखरा गोल्ड कप फुटबल प्रतियोगिता–२०८२ आगामी माघ २७ गतेदेखि फागुन ९ गतेसम्म पोखरा रङ्गशालाको खेल मैदानमा सञ्चालन हुने भएको छ। “खेलकुदको विकासमा सहकार्य गरौँ, पोखरालाई खेलकुद पर्यटन सहरका रूपमा स्थापित गरौँ” भन्ने उद्देश्यका साथ आयोजना गर्न लागिएको प्रतियोगिता यस वर्ष रजत जयन्ती (सिल्भर जुब्ली) संस्करणका रूपमा मनाइँदैछ। रजत जयन्तीको अवसरमा यस वर्ष पुरस्कार राशि वृद्धि गरिएको छ। प्रतियोगिताको विजेता टिमले १४ लाख १ हजार रुपैयाँ र उपविजेता टिमले ७ लाख १ हजार रुपैयाँ प्राप्त गर्नेछन्। प्रतियोगितामा नेपालसहित विदेशी गरी १२ टिम सहभागी हुने आयोजकले जनाएको छ। सहभागी टिमहरूमा नेपाल पुलिस क्लब, मनाङ म...