मुख्य समाचर

पोखरा प्रहरी कार्यालयमा आगजनी, तोडफोड र लुटपाटमा संलग्न एक फरार अभियुक्तलाई प्रहरीले पक्राउ गरेको छ। जिल्ला प्रहरी कार्यालय कास्कीका अनुसार मिति २०८२ भदौ २४ गतेको आन्दोलनका क्रममा कारागारबाट भागी प्रहरी कार्यालयहरूमा तोडफोड, आगजनी र सामान लुटपाट गर्ने पोखरा–७, घारीपाटनका २६ वर्षीय विवश जलारीलाई मिति २०८२ कार्तिक १३ गते पक्राउ गरिएको हो। प्रहरीले उनलाई वडा प्रहरी कार्यालय बैदामबाट चोरी भएको क्यानन कम्पनीको एसओसीओ डिजिटल क्यामेरा र नम्बर प्लेट नभएको एनएस २०० सीसी मोटरसाइकल समेत नियन्त्रणमा लिएको जनाएको छ। पक्राउ परेका जलारीमाथि कास्की जिल्ला अदालतबाट अपराधिक उपद्रव सम्बन्धी मुद्दामा थप ६ दिनको म्याद लिएर अनुसन्धान अघि बढाइएको प्रहरीले जनाएको छ। प्रहरीका अनुसार विवश जलारी यसअघि ज्यान मार्ने उद्योग मुद्दामा कास्की कारागारमा थुनामा रहेका थिए। उनी भदौ ...

पोखरा पोखरा५ पस्र्याङमा शनिबार बिहान भएको झगडाले दुर्भाग्यपूर्ण रूप लिँदै एक जनाको ज्यान गएको छ। स्थानीय ४५ वर्षीय अनिल पराजुलीको धारिलो हतियार प्रहारबाट मृत्यु भएको कास्की प्रहरीले पुष्टि गरेको छ। प्रहरीका अनुसार पराजुलीका साथी किशोर तिमिल्सिनासँग सामान्य विवाद सुरु भएको थियो। विवाद चर्किएपछि तिमिल्सिनाले धारिलो हतियार (चक्कु) प्रयोग गरी पराजुलीमाथि आक्रमण गरेको प्रारम्भिक अनुसन्धानमा खुलेको छ। मिति २०८२ कार्तिक ८ गते बिहान करिब ३:०५ बजे, पोखरा–५ चिल्डेल पार्क नजिकै पराजुली अचेत अवस्थामा फेला परेका थिए। प्रहरी टोलीले उनलाई तत्काल उपचारका लागि पश्चिम क्षेत्रीय अस्पताल पोखरा पुर्‍याएकोमा करिब ३:४० बजे चिकित्सकले मृत घोषणा गरेका थिए। अनुसन्धानका क्रममा सराङकोट घर भई मालेपाटन बस्ने २४ वर्षीय किशोर तिमिल्सिनाले विवादका क्रममा चक्कु प्रहार गरेको खुलेको कास्की प्रहरीले जनाएको ...

पोखरा कास्की प्रहरीले लागू औषध ब्राउनसुगरसहित एक जनालाई पक्राउ गरेको छ।जिल्ला प्रहरी कार्यालय कास्कीका अनुसार मिति २०८२ कार्तिक १ गते राति करिब ९:२५ बजे पोखरा–१७ घारीपाटनस्थित क्षेत्रमा लागू औषध बिक्री–वितरण भइरहेको भन्ने सूचनाको आधारमा वडा प्रहरी कार्यालय बैदामबाट खटिएको टोलीले २५ वर्षीय नवराज चापागाईं थापा (ठेगाना– पोखरा–१७, घारीपाटन) लाई नियन्त्रणमा लिएको हो। प्रहरीले उनको साथबाट ३ वटा स–साना पुरियामा ब्राउनसुगर जस्तो देखिने पदार्थ फेला पारेको जनाएको छ। त्यसपछि उनको कोठामा थप खानतलासी गर्दा हेल्मेट र पहेंलो रंगको बट्टाभित्र लुकाइराखिएको १३ वटा पुरिया समेत बरामद गरिएको प्रहरीले जनाएको छ। बरामद गरिएको कुल ब्राउनसुगर ०.९२ ग्राम, नगद रु. ९४,५०० र मोबाइल फोन २ थान रहेको प्रहरीले जनाएको छ।पक्राउ परेका थापामाथि आवश्यक अनुसन्धानका लागि कास्की जिल्ला अदालतबाट ७ दिनको म्याद थप ...

पोखरा कास्की प्रहरीले धारिलो हतियार देखाई विदेशी नागरिकमाथि अभद्र व्यवहार गर्ने दुई जनालाई पक्राउ गरेको छ।जिल्ला प्रहरी कार्यालय कास्कीका अनुसार आइतबार बिहान करिब ९:१० बजे पोखरा–२२ अनदु जंगलको सार्वजनिक स्थानमा ६७ वर्षीय विदेशी नागरिक एनएस पिटर मार्टिनलाई खुकुरी देखाउँदै अभद्र व्यवहार गरिएको सूचनाको आधारमा प्रहरीले तत्कालै बैदाम कार्यालय मातहतको वडा प्रहरी टोली खटाएको थियो। घटनामा संलग्न कास्की माछापुच्छ्रे गाउँपालिका–८ का २४ वर्षीय नविन वि.क. र तनहुँ व्यास नगरपालिका–५ का २१ वर्षीय विशाल दर्लामीलाई प्रहरीले नियन्त्रणमा लिएको जनाएको छ। उनीहरूको साथबाट धारिलो हतियार (खुकुरी) समेत बरामद गरिएको प्रहरीले जानकारी दिएको छ। प्रहरीका अनुसार पक्राउ परेका दुवैजनामाथि आवश्यक अनुसन्धान तथा कानुनी कारबाहीका लागि जिल्ला प्रहरी कार्यालय कास्कीमा राखिएको छ। उनीहरूलाई अनुसन्धानका लागि १० ...

पोखरा , बुधबार २९/ पोखरा, कास्की — प्रहरीले Operation 365 संचालन गरेसँगै चालकसहित दर्जनौँ मोटरसाइकल नियन्त्रणमा लिएको छ।कास्की प्रहरीले यो अपरेसन अन्तरगत ३६५ दिन नियमित चेकजाँच गर्ने अभियानको रूपमा सुरु गरेको हो। मोटरसाइकलको स्वरूप परिवर्तन गराई ठुलो आवाज निकाल्ने, ध्वनी प्रदूषण गर्ने, समाजलाई आतंकित पार्ने र शान्ति–सुव्यवस्था खलल पार्ने गतिविधि बढिरहेको भन्ने व्यापक जनगुनासो आएपछि, सोही आधारमा २०८२।०६।२७ गते साँझदेखि जिल्ला प्रहरी कार्यालय कास्कीले "Operation 365" संचालन गरेको हो। जिल्ला प्रहरी कार्यालय कास्कीले अपरेसन 365 सुरु गरेसँगै जिल्ला मातहतबाट समेत एकै समयमा प्रहरी परिचालन गरी रातको समयमा होहल्ला गर्दै हिँड्ने, मोटरसाइकलको स्वरूप परिवर्तन गरी चर्को आवाजमा सवारी चलाउने, शान्ति–सुव्यवस्थामा खलल पार्ने र प्रहरीसँग झै–झगडा गर्ने चालक र सवारी साधन निय...

पोखरा, कास्की — नक्कली पेस्तोल देखाएर चोरी तथा लुटपाट गर्ने एक युवकलाई कास्की प्रहरीले पक्राउ गरेको छ। प्रहरीका अनुसार, पोखरा महानगरपालिका–११ शितलदेवीमा बस्ने देविकला अधिकाीरलाई लुटपाट गरेको भन्ने सूचनाको आधारमा वडा प्रहरी कार्यालय रामबजारबाट खटिएको टोलीले उक्त घटनाको अनुसन्धान थालेको थियो। अनुसन्धानका क्रममा पोखरा–९ मोदी गाउँका २४ वर्षीय सुजन के.सी. पक्राउ परेका हुन्। उनको साथबाट नक्कली पेस्तोल (खेलौनाको) एक थान ग १३ प ९८३२ नम्बरको मोटरसाइकल बरामद गरिएको प्रहरीले जनाएको छ। प्रहरीले पक्राउ परेका सुजनमाथि थप अनुसन्धान जारी राखेको जनाएको छ। प्रहरीका अनुसार, उनी उक्त पेस्तोल देखाएर लुटपाटमा संलग्न भएको प्रारम्भिक अनुसन्धानबाट खुल्न आएको छ। ...

पोखरा, देशभरका स्थानीय तहहरूमा सुरक्षाको जिम्मेवारी जनस्तरसम्म झर्ने क्रम बढ्दै गएको छ। सरकारी सुरक्षानिकायहरूको सीमित उपस्थिति, कमजोर मनोबल र हालैका आन्दोलनका क्रममा लुटिएका हतियारका कारण स्थानीय तहमा असुरक्षाको वातावरण देखिन थालेपछि समुदाय आफैं सचेत बन्दै गएका छन्। यही पृष्ठभूमिमा पोखरा–१७ का ढुङेसाघु र महतगौडा बासिन्दाले पनि रात्रिकालीन गस्ती अभियान सुरु गरेका छन्। दशैंअघि नै सुरु भएको यो अभियान अहिले निरन्तर चलिरहेको छ। स्थानीय गस्ती संयोजक नेत्र भण्डारीका अनुसार टोलका बासिन्दाले आफ्नो क्षेत्रलाई सात भागमा विभाजन गरी पालैपालो गस्ती गर्ने जिम्मा लिएका छन्। रातभर सानो समूहमा टर्च र बाँसका लठ्ठी बोकेर उनीहरू गल्लीगल्ली हिँड्छन्— कसैले शंका लाग्दो गतिविधि गरे तुरुन्त जानकारी दिने व्यवस्था छ। भण्डारी भन्छन्, “प्रहरीको मनोबल अहिले केही कमजोर देखिन्छ। यस्तो अवस्थामा हामीले आफ्नै टोल, ...

पोखरा, कात्तिक २०८२ – गण्डकी अटो मेकानिकल वर्क्स एशोसिएसन, नयाँबजार, पोखरा ले हालैका आन्दोलनका क्रममा क्षति पुगेका गाडीहरुको मर्मत गर्न पहल थालेको छ। महासचिव विजयेंद्र चौधरी र अध्यक्ष विष्णु प्रसाद अधिकारीका अनुसार, एशोसिएसनले देशभरका ३२१ वर्कसपलाई आवद्ध गर्दै सामाजिक, रचनात्मक कार्य र तालिममार्फत सदस्यहरुलाई नयाँ प्रविधि अनुसार तयार पार्दै आएको छ। एशोसिएसनले जनाएको छ, “तोडफोड र आगजनीका कारण क्षति पुगेका गाडीहरू सहुलियत मूल्यमा मर्मत गर्ने तयारी छ। यसले स्थानीय व्यवसायलाई प्रवर्द्धन गर्ने साथै अनावश्यक विदेशी खर्च कम गर्नेछ।”साथै, एशोसिएसनले आफ्ना सदस्यहरुको व्यवसाय प्रवर्द्धन, वर्कसप सरसफाई, डेङ्गु नियन्त्रण र सचेतनामुलक कार्यक्रमहरू निरन्तर गर्दै आएको छ। यस पहल मार्फत गाडी व्यवसायीहरूलाई करको दायरामा ल्याउने र देश विकासमा सहयोग पुर्‍याउने उद्देश्य राखिएको छ।महासचिव चौध...

पोखरा ।पोखराको क्लब सिक्स्टीनमा शनिबार ‘द सिक्स्टीन सोडाउन’ प्रतियोगिता हुने भएको छ। साँझ ६ बजेदेखि राति १० बजेसम्म चल्ने कार्यक्रममा प्रवेश निःशुल्क रहनेछ। रेसलिङमा दुई चर्चित नेपाली रेसलर ‘नेपाली ब्रो’ कुमार थापा र ‘द युभ’ युवराज गिरीबीच प्रतिस्पर्धा हुनेछ। अमेरिकामा पूर्वसैनिकका रूपमा काम गरेका थापा, जसलाई रेसलिङको दुनियाँमा ‘नेपाली ब्रो’ नामले चिनिन्छ, नेपाल वुमेन रेसलिङ फाउण्डेशन (NWWF) का क्रुजरवेट च्याम्पियन हुन्। उनले भारत, पाकिस्तान, अमेरिका र युरोपलगायतका देशमा अन्तर्राष्ट्रिय स्तरमा प्रतिस्पर्धा गरिसकेका छन्। थापाले भने, ‘नेपालमा पनि अन्तर्राष्ट्रिय स्तरका खेलाडी उत्पादन गर्न सकिन्छ, तर त्यसका लागि सुरक्षा र व्यावसायिक प्रशिक्षण अति आवश्यक छ।’ पोखराका युवराज गिरी हाल भारतमा बस्दै आएका छन्। उनले पाकिस्तान, भारत, रुस र चीनलगायतका देशमा रेसलिङ प्रतियोगिता जितिसकेका छन्...

जिल्ला प्रहरी कार्यालय कास्कीले  चाडपर्वको समयमा सुरक्षालाई प्राथमिकता दिँदै “चाडपर्व विशेष सुरक्षा योजना २०८२” लागू गरेको छ। चोरी, ठगी, लुटपाट, मादक पदार्थको गैरकानुनी कारोबार, जुवा–तास जस्ता अपराध नियन्त्रणका लागि योजना अनुसार अतिरिक्त प्रहरी परिचालन गरिएको जिल्ला प्रहरी कार्यालयले जनाएको छ। यस योजना अन्तर्गत सहरका भीडभाडयुक्त स्थान, बजार, ग्रामीण क्षेत्र, पर्यटकीय गन्तव्य तथा संवेदनशील क्षेत्रमा विशेष गस्ती, निगरानी र चेकजाँच कडाइ गरिएको छ। आवतजावतका मार्ग, हाटबजार, मेलापर्व र मनोरञ्जनस्थलमा समेत शान्ति सुरक्षा कायम गर्न प्रहरी टोली सक्रिय रहने जनाएको छ। “यस्ता अपराध तथा सम्भावित खतरालाई मध्यनजर गर्दै, नियन्त्रणका लागि योजना अनुसार ९२३ जना प्रहरी परिचालन गरिएको जिल्ला प्रहरी कार्यालयले जनाएको छ।” सूचना अधिकारी मोहन बहादुर बस्नेतले प्रेस विज्ञप्ति मार्फत उक्त जानकार...