ताजा समाचार

पोखरा पोखरा ३२ लामेआहालमा काठमाण्डौंबाट पोखरा आउँदै गरेको इभी माइक्रोबस दुर्घटनामा ३ जनाको मृत्यु भएको छ भने अन्य ६ जना घाइते भएका छन्। लामेआहालस्थित सडकबाट करिब ३५ मिटर तल खेतमा खस्दा दुर्घटना भएको जिल्ला प्रहरी कार्यालय कास्कीले जानकारी दिएको छ। प्रारम्भिक अनुसन्धानअनुसार, माइक्रोबस तीव्र गतिमा रहेको र चालकले सन्तुलन गुमाउँदा दुर्घटना भएको हुनसक्ने प्रहरीले अनुमान गरेको छ। घटनाको विस्तृत विवरण आउन बाँकी छ। ...

पोखरा पोखराको गण्डकी शतकुण्डीय गायत्री कोटिहोम विराट ज्ञान महायज्ञ अन्तर्गत जेठ ११ गतेदेखि राष्ट्रव्यापी खुला वक्तृत्वकला प्रतियोगिता आयोजना हुने भएको छ। ‘सनातन संस्कृति, गण्डकी कोटिहोम र हामी विद्यार्थी’ भन्ने शीर्षकमा हुने प्रतियोगिताबारे जानकारी दिँदै संयोजक तथा पब्लिक स्पिकर, मोटिभेटर, शिक्षा एवं संस्कृतिविद् डा. तुलसी प्रभास खनालले विद्यार्थीलाई संस्कृति र वाक्चातुर्यमा जोड्न प्रतियोगिता आयोजना गरिएको बताए। उनका अनुसार सुरुमा जेठको पहिलो साताबाट प्रतियोगिता गर्ने योजना थियो, तर कक्षा १२ को परीक्षा र अभिभावकहरूको अनुरोधका कारण जेठ ११ बाट सुरु गर्ने निर्णय गरिएको हो। प्रतियोगितामा सहभागी हुन चाहनेले जेठ १० गतेसम्म नाम दर्ता गरिसक्नुपर्नेछ। प्रतियोगितामा कक्षा ८ देखि १२ सम्मका विद्यार्थीले भाग लिन पाउने छन्। साथै, एसईई र ...

पोखरा पोखरा २२ स्थित विश्वशान्ति स्तूपा नजिकै आज दिउँसो एक नगरबस दुर्घटना हुँदा २२ जना यात्रु घाइते भएका छन्। पार्किङस्थलभन्दा केही माथि सडकमा ग २ ख ३८८६ नम्बरको पोखरा नगरबस दुर्घटनामा परेको हो। बसमा २६ जना यात्रु सवार रहेको ट्राफिक प्रहरी कार्यालय कास्कीले जानकारी दिएको छ। दुर्घटनापछि घाइते २२ जनालाई पोखराका विभिन्न अस्पतालहरूमा उपचारका लागि पठाइएको प्रहरीले जनाएको छ। प्रारम्भिक अनुसन्धानअनुसार ब्रेक फेल भएर दुर्घटना भएको हुन सक्ने अनुमान गरिएको छ। यद्यपि दुर्घटनाको यथार्थ कारण पुष्टि हुन बाँकी रहेको र थप अनुसन्धान जारी रहेको कास्की प्रहरीले जनाएको छ। घाइतेहरूको विस्तृत विवरण आउन बाँकी छ। ...

पोखरा श्री गण्डकी शतकुण्डीय गायत्री कोटिहोम विराट ज्ञान महायज्ञ अन्तर्गत आइतबारदेखि वाचन प्रवीण पं. दिनबन्धु पोखरेलले आफ्ना झाँकी र संगीत समूहसहित प्रवचन सुरु गरेका छन्। उनले आगामी जेठ ३ गतेसम्म सात दिनसम्म धर्मकथा वाचन गर्ने कार्यक्रम रहेको छ। यसअघि शनिबार वाल्मीकि श्रीराम कथा वाचक आचार्य पं. प. पराकुशजीको विदाईपछि पोखरेलको प्रवचन आरम्भ गरिएको हो। महायज्ञमा प्रत्येक दिन भक्तजनको उल्लेखनीय सहभागिता देखिएको छ। महायज्ञको अवसर पारेर आयोजना गरिएको नियमित रक्तदान कार्यक्रममा आइतबारसम्म दुई सयभन्दा बढी व्यक्तिले रक्तदान गरेका छन्। आयोजकका अनुसार महायज्ञमा सहभागी भक्तजनहरूलाई "जे जति सकिन्छ, केही न केही सहयोग गरौं" भन्ने भावना जागृत गराउन रक्तदान कार्यक्रम राखिएको हो। महायज्ञका संकल्पकर्ता बालयोगेश्वर विजयश्रीकृष्ण मूर्तिले सबैलाई रक्तदानजस्तो पुण्य कार्यमा सहभागी हुन आग्रह ग...

पोखरा वाई.सि.एल. नेपाल स्याङ्जा जिल्ला चौथो सम्मेलन सम्पन्न, पुर्व जनमुक्ति सेना कमान्डर सफल तिवारी (अर्जुन) अध्यक्षमा चयन स्याङ्जा — वाई.सि.एल. (योङ्ग कम्युनिस्ट लिग) नेपाल स्याङ्जा जिल्लाको चौथो जिल्ला सम्मेलन आज भव्य रूपमा सम्पन्न भएको छ। सम्मेलनले पुर्व जनमुक्ति सेना कमान्डर सफल तिवारी (अर्जुन)लाई सर्वसम्मत रूपमा जिल्ला अध्यक्षमा चयन गरेको हो। सम्मेलनबाट नवगठित ४५ सदस्यीय जिल्ला समिति निम्नानुसार चयन गरिएको छ:उपाध्यक्षमा प्रकाश रिजाल र दिपेश कुमाल, सचिवमा सागर भट्टराई, सह-सचिवमा आविष्कार क्षेत्री, प्रेम राना, टोप ब. गुरुङ, राजेश श्रेष्ठ, सुवास सुनार लगायत अन्य सदस्यहरू रहेका छन्। नयाँ नेतृत्वको चयनसँगै संगठनलाई अझ सशक्त, अनुशासित र जनमुखी बनाउँदै लैजाने सम्मेलनको उद्देश्य रहेको आयोजकहरूले जनाएका छन्। सम्मेलनमा विभिन्न गाउँ–नगर र वडास्तरका प्रतिनिधिहरूको उल्लेख...

पोखरा प्रेस सेन्टर नेपाल, गण्डकी प्रदेश समितिको आयोजनामा दुई दिने 'विकास पत्रकारिता तालिम' सम्पन्न भएको छ। वैशाख २६ र २७ गते सञ्चालन भएको तालिममा विकास पत्रकारिता, आर्थिक पत्रकारिता, जनपत्रकारिता तथा सञ्चार माध्यमको सामाजिक उत्तरदायित्वका विषयमा प्रशिक्षण दिइएको थियो। गण्डकी प्रदेश सरकार, मुख्यमन्त्री तथा मन्त्रिपरिषद्को कार्यालयको सहयोगमा सम्पन्न तालिममा पहिलो दिन बिनोद शर्मा र दिपक परियारले प्रशिक्षण दिएका थिए। दोश्रो दिनमा प्रेस सेन्टर नेपालका पुर्व केन्द्रिय सदस्य चिरन्जीवी अधिकारीले आइटी सम्बन्धी ग्यान समेत प्रदान गरेका थिए। प्रशिक्षक बिनोद शर्माले पत्रकारितालाई राइट होल्डर्सबाट डिउटी बेरियर्ससम्म पुर्‍याउन पत्रकारहरूले सक्रिय भूमिका खेल्नुपर्नेमा जोड दिए। उनले विकास पत्रकारिताको सम्मानजन्य भूमिका स्थापित गर्नका लागि सूचना श्रृंखला (Chain of Information) लाई प्र...

पोखरा स्पोर्ट्स अवार्ड सम्पन्न, वर्ष खेलाडी बने अरुणा र विश्वास पोखरा नवौं पोखरा स्पोर्टस् अवार्डमा वर्ष खेलाडीको उपाधि महिलातर्फ अरुणा शाही र पुरुषतर्फ विश्वास अधिकारीले हात पारेका छन् । नेपाल खेलकुद पत्रकार मञ्च गण्डकीले शुक्रबार पोखरा इभेन्ट सेन्टरमा आयोजना गरेको समारोहमा मनोनयनमा परेका उत्कृष्ट ३ मध्ये वर्ष खेलाडी महिलातर्फ भलिबलकी अरुणा शाही वर्ष खेलाडी घोषित भएकी हुन् । पुरुषतर्फ भलिबलका विश्वास अधिकारी वर्ष खेलाडी बनेका हुन् । उनीहरु दुवैलाई छनोट समितिको सिफारिसमा वर्ष खेलाडीस्वरुप टेलजी इलेक्ट्रिक स्कुटर साथमा अवार्ड प्रदान गरियो । वर्ष खेलाडी महिला विधामा आइटिएफ तेक्वान्दो/मुआथाईकी सुस्मिता थापा मगर र फेन्सिङकी कृपा गुरुङ समेत मनोनयनमा परेका थिए । पुरुषतर्फ टेनिसका प्रलिप खड्का र फुटबलका सुमित श्रेष्ठ थिए । महिला वर्ष खेलाडी उपाधि बिजेता अरुणा शा...

पोखरा, २५ वैशाख । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा आज (शुक्रवार) साधु, सन्त, महन्त, हास्य कलाकार तथा गायिकाको उपस्थिति रहने भएको छ। कोटिहोममा भारतको हरियाणा बाट  श्री १००८ महामण्डलेश्वर स्वामी विशेश्वरानन्द आज आउँदै छन् । कोटिहोममा चर्चित हास्य कलाकार सिताराम कट्टेल ‘धुर्मुस’ र कुञ्जना घिमिरे ‘सुन्तली’ आउने प्रचार प्रसार संयोजक लेखराज ढकालले जानकारी दिए । उनीहरूसँगै आजै नै पोखरेली चेली चर्चित गायिका समीक्षा अधिकारीको सँगै लोकदोहोरी गायिका पार्वती जिसीको पनि उपस्थिति रहने छ जसले आज कोटिहोम सङ्गीतमय हुनेछ । शुक्रवार नै टोखा नगरपालिका प्रमुख प्रशासकीय अधिकृत शेरबहादुर बिसी सहित १५ जना विशिष्ट व्यक्ति  र १ सय जना विद्यार्थी स्वयंसेवीको रूपमा कोटिहोममा आउदैछन् । त्यस अवसरमा प्रमुख प्रशासकीय  अधिकृत बिसीको भजनको भिडियो व...

संसारमा फरक–फरक जन्म र ठाउँका भए पनि उस्तै–उस्तै अनुहार भएका मानिसहरू पनि हुन सक्छन्। एउटै कम्पनी सवारी साधन पनि उस्तै उस्तै हुन सक्छन्। इन्जिन नम्बर च्याचिस नम्बर सवारी नम्बर प्लेट एउटै हुन सक्दैन । तर गण्डकी प्रदेस मातहतमा रहेको यातायात ब्यबस्था कार्यालय सवारी शाखा कास्कीमा भने सुन्ने हरुलाई समेत चकित पार्ने गरि  दर्ता भएका स्कुटर भने एउटै नम्बर भएको पाइएको छ। गण्डकी प्रदेश सरकारको मातहतमा रहेको यातायात कार्यालय प्रदेशमा सबैभन्दा बढी राजस्व उठाउने कार्यालय हो । तर यातायात कार्यालय भित्रै सोरुमका अफिस सञ्चालन गरि सोरुमका कर्मचारीले हालिमुहालि गरेको भन्ने कुरा यथेस्ट प्रमाण यतिबेला फेला परेको छ।  सरकारी अड्डा भित्र सेवा ग्राहिलाइ सेवा दिने काम सरकारी कर्मचारीको भएपनि  नेपालका अधिकास यातायात ब्यबस्था कार्यालयमा सेवाप्रदायसेवाग्राहि बिच मध्यस्थतको रु...