Author: डाँडाघरे खबर

आसन्न २४औं आहा! रारा पोखरा गोल्ड कपका लागि सहारा यूकेका अध्यक्ष कृष्ण गुरुङ ‘कृष’ले सहारा क्लब पोखराका अध्यक्ष केशवराज बराललाई ट्रफी हस्तान्तरण गरेका छन्। पोखरामा हुन गइरहेको प्रतियोगिताका लागि आकर्षक ट्रफी तथा मेडलहरू सहारा यूकेले विशेष रूपमा तयार गराएको हो। हरेक खेलको म्यान अफ दि म्याचसहित उत्कृष्ट विभिन्न विधाका खेलाडीहरूलाई यी ट्रफी प्रदान गरिनेछ, साथै विजेता तथा उपविजेताले यूकेमै निर्मित विशेष मेडल प्राप्त गर्नेछन्। ट्रफी तथा मेडलहरू पोखरा ल्याउन र सम्पूर्ण व्यवस्थापन गर्न सहारा यूकेले उल्लेखनीय आर्थिक योगदान गरेको छ।   मोफसलको बहुप्रतिष्ठित राष्ट्रिय तथा अन्तर्राष्ट्रिय आमन्त्रित आहा! रारा पोखरा गोल्ड कपको २४औं संस्करण आगामी माघ २२ देखि फागुन ३ सम्म पोखरामा आयोजना हुनेछ। प्रतियोगितामा ३ अन्तर्राष्ट्रिय टोली, ८ ए-डिभिजन क्लबहरू तथा आयोजक सहारा क्लब पोखरासहित ...

टाइगर कप भलिबल प्रतियोगिताको उपाधि महिलातर्फ आयोजक टाइगर ग्रुप अफ पोखराले जितेको छ भने पुरुषतर्फ नेपाल पुलिस क्लबले जितेको छ। डिफेन्डिङ च्याम्पियन सशस्त्र प्रहरी बल (एपीएफ) क्लबलाई ३–२ को सेटमा पराजित गर्दै आयोजक टोली टाइगर ग्रुपले एनसेल पाँचौं टाइगर कप राष्ट्रिय तथा अन्तर्राष्ट्रिय भलिबल प्रतियोगिताको महिलातर्फको उपाधि जितेको हो। पोखरा रंगशालामा आइतबार सम्पन्न फाइनल खेलमा गण्डकी भलिबल संघलाई ३–१ को सेटले पराजित गर्दै पुलिसले पुरुषतर्फको उपाधि जितेको हो। हजारौं दर्शकमाझ भएको फाइनल खेलमा पहिलो सेट २५–२३ र दोस्रो सेट २५–२१ ले जितेको पुलिसले तेस्रो सेट २०–२५ ले गण्डकीसँग हार्नुपर्‍यो। पुलिसले चौथो सेटमा २५–२२ को जित निकाल्दै उपाधि हात पार्न सफल भयो। उपाधि जितेको पुलिसले ५ लाख ८५ हजार ५ सय ५५ रुपैयाँ प्राप्त गर्‍यो भने उपविजेता गण्डकीले २ लाख ८५ हजार ५ सय ५५ रुपैयाँ प्राप्त गर्‍...

पोखरा / बिहीबार पोखरा ६ बैदाम सामुदायिक सेवाकेन्द्र सामुदायिक प्रहरी सेबा केन्द्र बैदामको २१औ वार्षिक साधरण सभा तथा १२औं अधिबेशन बुधबार सम्पन्न भएको छ।अधिवेशनले अध्यक्ष ठाकुर प्रसाद बरालको नेतृत्वमा नया कार्यसमिति चयन भएको छ । प्रथम उपाध्यक्षमा सोभियत परियार, द्वितीय उपाध्यक्षमा अनिल थापा, सचिवमा शान्ता सुवेदी, सह-सचिवमा भिषमाया नेपाली, कोषाध्यक्ष निर्मला थापा चयन भएका छन् भने सदस्यहरु ऋषिमायाँ पहारी, गोमा पंगेनी, पदम बहादुर ढकाल, जुना अधिकारी, शिलु पौडेल पराजुली, रविन अधिकारी, विष्णु प्रसाद पहारी सर्वसम्मत चयन भएका छन्। सेवा केन्द्रका अध्यक्ष नेत्र भण्डारीको अध्यक्षतामा भएको थियो भने ,अधिवेशनको उद्घाटन गर्दै गण्डकी प्रदेस सभा सदस्य तथा कार्यक्रमका प्रमुख अतिथि देवका पहारिले सामुदायिक सेवा केन्द्रले समुदाय र प्रहरी बिच साझेदारी कार्यक्रम सहित अगाडि बढ्नु पर्नेमा ज‍ड दिदै सेव...

बिहिवार / प्रेस चौतारी नेपालको २७ अौ स्थापना दिवसको अवसरमा प्रेस चौतारी नेपाल कास्कीले सँचालन गर्दै आएको ‘प्रेस चौतारी पत्रकारिता पुरस्कार’ यस वर्ष पोखरा लाई सँञ्चारकर्मथलो बनाउदै पत्रकारिता गरिरहेका ईन्द्रप्रसाद पौडेललाई प्रदान गर्ने भएको छ भने प्रेस चौतारी पत्रकारिता सम्मान २०८१’ काठमाडौँलाई सँञ्चारकर्मथलो बनाउदै पत्रकारिता गर्दै आइरहेका पत्रकार गणेशमान गुरूङलाई अर्पण गरिने भएको छ । २२ हजार २ सय २२ राशि रहेको पुरस्कार २७ अौ स्थापना दिवसको अवसरमा कास्की शाखाले पौडेललाई सम्मान सहित अर्पण गर्न लागेको हो। प्रेस चौतारी नेपालका पूर्व केन्द्रीय उपाध्यक्ष तथा सल्लाहकार शान्ति गुरूङ संयोजक, पूर्व पुरस्कृत व्यक्तित्व केशव पाठक र अग्रज केशवशरण लामिछाने सदस्य तथा कार्यवाहक अध्यक्ष मोतिसागर अधिकारी र सचिव रञ्जन अधिकारी पदेन सदस्य रहेको प्रतिभा छनौट समितिले पौडेललाई पुरस्कृत र गुरूङलाई सम्...

पोखरा पोखरामा इन्ट्रा–नेशनल वेलफेयर एण्ड सपोर्ट फाउण्डेसन अफ अमेरिकाले विश्वस्तरीय अन्तर्राष्ट्रिय स्तरको दुईवटा रियालिटी शोहरु मेरो भ्वाइस युनिभर्स र मेरो डान्स युनिभर्सको सिजन २ घोषणा गरिसकेको छ । सिजन घोषणासँगै गण्डकी प्रदेशलाई नै समेट्ने गरि आउँदो फागुन १६ र १७ गते हुने पोखरा अडिसनको बारेमा बिहीबार पोखरामा मिट एण्ड ग्रीट आयोजना गरि जानकारी दिइयो । उक्त कार्यक्रमको अडिसन पोखरा बहुमुखि क्याम्पसमा हुने आयोजकले जानकारी दिएको छ । विश्वभर रहेका नेपालीहरुको गायन र नृत्य क्षेत्रका उत्कृष्ट प्रतिभाहरु पहिचान गर्नका लागि यी दुवै रियालिटी शो सञ्चालन हुँदैछ । फाउण्डेसनका अनुसार दोस्रो संस्करणका लागि युरोप महादेशमा बेलायत र पोर्चुगलमा, पूर्वी एशियाका लागि थाइल्याण्ड, हङकङ र जापानमा, मध्यपूर्वका लागि दुबई र कतारमा, अष्ट्रेलियाका लागि सिड्नीमा, भारतको लागि सिलिगुरी र मुम्बईमा, र नेपालका...

पोखरा बिहीबार १७ /पोखरा इलेक्ट्रोनिक्स तथा मोवाइल व्यवसायी सँघ कास्कीले सँघको स्थापना दिवसको अवसरमा १६ गते बुधबार २५ औं स्थापना दिवस मनाएको छ । पोखरा–१३ स्थित भद्रकाली मन्दिर परिसर सरसफाई गरेर सँघले स्थापना दिवस मनाएको छ । सँघका पदाधिकारी तथा कार्य समिति सदस्यहरु साथै सँघमा आबद्ध इलेक्ट्रोनिक्स मोवाइल व्यवसायीहरुको सहभागितामा सरसफाइ कार्यक्रम गरिएको सँघका अध्यक्ष चिन्तामणी पोखरेलले वताए।सँस्थागत सामाजिक उत्तरदायित्व अन्तर्गत स्थापना दिवसको अवसरमा सरसफाई कार्यक्रम गरिएको अध्यक्ष खरेलले बताए । सँघकै स्थपना दिवसकै दिन सँघका कास्की अध्यक्ष चिन्तामणी पोखरेलको समेत सँय‍ोगवस बुधबार शुभ जन्मदिन परेको सोही अवसरमा अध्यक्ष खरेललाई उपस्थित सँघका पदाधिकारी सदस्य लगायत उपस्थित व्यवशायिले समेत जन्मदिनको शुभकामना दिएका थिए। ...

मानव इतिहासको ऐतिहासिक कालदेखि नै अस्तित्व रक्षाको लागि संघर्ष गर्दै आवश्यकताहरू पुरा गर्दै अघि बढेको हामी इतिहासको अध्ययनबाट थाहा पाउन सक्छौ। सहकार्य र सहकारिताको भावना त्यो कालखण्डदेखि नै सुरु भएको हाम्रा पूर्विय दर्शनमा यत्रतत्र उल्लेख गरिएको पाइन्छ । सहकारीको साधारण अर्थले सहकार्य, सहअस्तित्व, समान कार्य वा सँगसँगै काम गर्ने भन्ने बुझिन्छ । यसरी सँगसँगै मिलेर काम गरी आफ्नो आर्थिक, सामाजिक र सांस्कृतिक हैसियत माथि उठाउन न गरिएको सामुहिक प्रयासलाई सहकारी भनिन्छ । आर्थिक भनेको धनसम्पत्ति सम्बन्धी, वित्तीय वा अर्थसँग सम्बन्ध राख्ने भन्ने बुझिन्छ । समृद्धि = भनेको उन्नति, अभ्युदय, बढिबढाउ वा सम्पन्नता हो। सम्पन्नता हुन समाजका हरेक नागरिकको जीवन निर्वाह, व्यक्तित्व विकास, शिक्षा, स्वास्थ्य र सुरक्षाका आधारभूत आवश्यकता पूरा भएको हुनु हो। वर्तमान नेपाली समाज समृद्ध हुनका लागि नेपाली ज...

पोखरा प्रेस सेन्टर नेपाल कास्की शाखाले पोखरामा प्रभातफेरी (र्‍याली) र निःशुल्क स्वास्थ्य परीक्षण गरी आफ्नो स्थापना दिवस भव्य रूपमा मनाएको छ। कार्यक्रम पोखराको मानव अधिकार चोकबाट सुरु भई सभागृहमा समापन भएको थियो। नेकपा माओवादी केन्द्र गण्डकी प्रदेशका अध्यक्ष गायत्री गुरुङले समारोहलाई सम्बोधन गर्दै प्रेस सेन्टरको २१ वर्षे ईतिहासलाई स्मरण गरे। उनले प्रेस सेन्टरलाई समाजवादी यात्रामा थप सशक्त बनाउँदै जनताको पक्षमा कलम चलाउन आग्रह गरे। साथै, उनले स्वास्थ्य परीक्षण कार्यक्रमको उद्घाटन गर्दै आवाजविहीनहरूको आवाज बुलन्द पार्न सञ्चारकर्मीलाई प्रेरित गरे। प्रेस सेन्टरका केन्द्रिय सचिव माधव पनेरू, माओवादी केन्द्र कास्की संयोजक विश्वप्रकाश लामिछाने, गण्डकी उपाध्यक्ष घनश्याम पाण्डे, नेपाल पत्रकार महासंघ कास्की अध्यक्ष माधव बराल, प्रेस सेन्टर कास्कीका अध्यक्ष दीननाथ बराल लगायतले पत्रका...

पोखरा अध्यात्म, ध्यान, र योगको गहिरो अनुभूति गर्न चाहनेहरूको लागि पोखरामा "योग-प्रज्ञा साधना-१" कार्यक्रम माघ १६ देखि १९ सम्म विशेष रूपमा आयोजना गरिँदैछ। ओशोधारा संघ नेपाल ध्यान केन्द्र पोखराको संयोजनमा विजयपुरस्थित खेल मैदान नजिकको हाईड्रो पावर मुहान क्षेत्रमा चार दिनसम्म चल्ने यस कार्यक्रमले सहभागीहरूलाई आत्मिक शान्ति, मानसिक शुद्धता, र जीवनको गहिराइलाई बुझ्न नयाँ दृष्टिकोण प्रदान गर्नेछ। कार्यक्रमको बारेमा आयोजित पत्रकार सम्मेलनमा आचार्य श्री ओशो अखण्डले पत्रकारहरूको जिज्ञासाको उत्तर दिनुहुँदै कार्यक्रमको उद्देश्य, विशेषता, र महत्वबारे स्पष्ट पार्नुभयो। उहाँले भन्नुभयो "ध्यान र योग मानिसको जीवनलाई बाहिरी शोरबाट मुक्त गराएर आत्मिक शान्ति र आनन्दतर्फ डोर्याउने सशक्त माध्यम हो। 'योग-प्रज्ञा साधना-१' ले सहभागीहरूलाई आफूभित्रको सम्भावना चिन्न र जीवनलाई नयाँ दृष्टिकोणले बुझ्न मद्दत गर...

पोखरा सहारा क्लब पोखराद्वारा आयोजित मोफसलको बहुप्रतिष्ठित राष्ट्रिय तथा अन्तर्राष्ट्रिय फुटबल प्रतियोगिता “आहा! रारा पोखरा गोल्ड कप” को २४ औं संस्करण आगामी माघ २२ गतेदेखि फागुन ३ गतेसम्म पोखरामा आयोजना हुने भएको छ। प्रतियोगिता फागुन ३ गते सम्म सञ्चालन हुनेछ।  आइतबार आयोजित पत्रकार सम्मेलनमा क्लबका अध्यक्ष केशवराज बरालले मनाङ मर्स्याङ्दी क्लब (एमएमसी) लाई सहभागिताका लागि आग्रह गरिएको र थप एक टोलीबारे छलफल भइरहेको उनले भने, “हामी यति बेला तयारीमा तीव्रता दिएका छौं। एमएमसीले सहभागिता जनाओस् भन्ने चाहन्छौं। तर, यदि सम्भव भएन भने अर्को उत्कृष्ट टोलीलाई सहभागी गराउने तयारीमा छौं।”प्रतियोगितामा ११ टोलीको इन्ट्री भैसकेको क्लब ले उक्त अवसरमा जानकारी दिएको छ । यस संस्करणमा विदेशीसहित नेपालका प्रतिष्ठित ए डिभिजन क्लबहरू, मोफसलका उत्कृष्ट टोलीहरू, र आयोजक सहारा क्लब पोखराको टोलीले...