ताजा समाचार

पोखरा कास्की प्रहरीले लागुऔषध ट्यापेन्टाडोल १०० एमजीका १,०५० ट्याब्लेटसहित चार जनालाई पक्राउ गरेको छ। जिल्ला प्रहरी कार्यालय कास्कीअन्तर्गत लागुऔषध नियन्त्रण ब्यूरो शाखा, पोखराबाट खटिएको प्रहरी टोलीले असार ३ गते साँझ करिब ६ बजे पोखरा महानगरपालिका–८, सिमलचौरस्थित प्रतिभा मार्गमा चेकजाँच गर्ने क्रममा उनीहरूलाई समातेको हो। पक्राउ पर्नेहरूमा स्याङ्जा, पुतलीबजार नगरपालिका–५ स्थायी घर भई हाल पोखरा–७ रत्नचोकमा बस्दै आएका २८ वर्षीय मनोज रेज्मी, पोखरा–१७ घरिपाटन निवासी २८ वर्षीय राजबहादुर पौडेल, २८ वर्षीय राजेश बहादुर पौडेल र रत्नचोककी एक महिला छन्। उनीहरू सवार ग १७ प ७२३४ र ग १४ प ३३५९ नम्बरका मोटरसाइकलमा चेकजाँच गर्दा ट्यापेन्टाडोल ट्याब्लेटसहित दुई थान मोबाइल फोन पनि बरामद भएको छ । चारै जनाविरुद्ध लागुऔषध सम्बन्धी मुद्दा दर्ता गरिएको छ। कास्की जिल्ला अदालतबाट उनीहरूलाई ६ दिनको ...

दुर्घटना न्युनिकरण तथा ट्राफिक व्यवस्थापन साथै सडक सुरक्षा तथा ट्राफिक सचेतना सप्ताह सम्पन्नसडक सुरक्षा तथा ट्राफिक सचेतना सप्ताह २०८२ सम्पन्न भएको छ ।नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयको आयोजनामा दुर्घटना न्यूनिकरण गराउने उदेश्यका साथ आयोजना गरिएको सप्ताह शनिबार सम्पन्न भएको हो ।ट्राफिक नियम सम्बन्धि सचेतना अभिवृद्धि गर्ने, सवारी दुघेटना न्यूनिकरण तथा रोकथाम, ट्राफिक नियमहरु प्रभावकारी कार्यान्वयन गर्ने, सरोकारवाला निकाय बिच समन्वय र सहकार्य तथा जनसहभागिता अभिवृद्धि गर्ने उदेश्यका साथ सप्ताह आयोजना गरिएको थियो । उक्त सप्ताह गण्डकी प्रदेशभित्रका सबै जिल्ला र मातहतका इकाइ, ट्राफिक प्रहरी पोष्टमार्फत सञ्चालन गरिएको थियो । एकसातामा ३ हजार ४१२ कार्यक्रम सञ्चालन गरिएको थियो भने २ लाख २२ हजार ३१२ लाभान्वित भएका छन् ।सप्ताह अन्तरगत पहिलो दिन प्रभातफेरीसँग हेल्मेट ल...

गण्डकी प्रदेशसभाका अर्थमन्त्री डा. टकराज गुरुङले आइतबार आगामी वर्षको लागि नयाँ बजेट सार्वजनिक गरेको हाे । चालु खर्चका लागि १२ अर्ब ६३ करोड ६६ लाख ७५ हजार रुपैयाँ बजेटमा  विनियोजन गरिएको छ, जुन कुल बजेटको ३९.५ प्रतिशत हो । यस्तै, पूँजीगत खर्चका लागि १९ अर्ब ९ करोड ३३ लाख २४ हजार रुपैयाँ छुट्याइएको छ, जुन कुल बजेटको ५९.७ प्रतिशत हो । त्यसैगरी, वित्तीय व्यवस्थातर्फ २५ करोड ७८ लाख रुपैयाँ विनियोजन गरिएको छ, जुन कुल बजेटको ०.८ प्रतिशत हो । अर्थमन्त्री गुरुङले बजेट प्रदेशको समावेशी, दिगो र सन्तुलित विकासमा केन्द्रित रहेको उल्लेख गरे। उनले विकास निर्माण, स्वास्थ्य, शिक्षा, कृषि तथा पूर्वाधारलाई प्राथमिकता दिइएको पनि जानकारी दिए । ७ अर्ब ७३ करोड ८९ लाख रुपैयाँ वित्तीय समानीकरणबाट प्राप्त हुँदा ९ अर्ब ७९ करोड २८ लाख ४० हजार राजश्व बाँडफाटबाट प्राप्त हुने सरकारको अनुमान छ । ...

पोखरा महानगरपालिका–२४ कास्कीकोटका वडा अध्यक्ष भरतबहादुर अधिकारीलाई मातृशोक परेको छ।वडाध्यक्ष अधिकारीकी आमा अम्बिका अधिकारीको ८२ बर्षको उमेरमा आइतबार निधन भएको हो। सामान्य स्वास्थ्य अवस्थामा रहेकी उनि केहि दिन अगाडी सामान्य बिरामी परेपछि उपचारको लागि अस्पताल लगिएकोमा मणिपाल अस्पतालमा उपचारकै क्रममा उनको निधन भएको हो। सामाजिक तथा राजनीतिक ब्यक्तित्व बम बहादुर अधिकारि कि धर्मपत्नीस्व. अधिकारीका ५ छोरा र १ छोरी रहेका छन।छोराहरु धनबहादुर, गणेश बहादुर, मिनबहादुर, भरत बहादुर र रामबहादुर तथा छोरी देवका अधिकारी थापा रहेका छन ।काइँला छोरा भरत अधिकारी पोखरा -२४ को वडाध्यक्ष तथा नेपाली काङ्ग्रेस महाअधिवेसन प्रतिनिधि साथै कास्किकोट सम्पर्क समितिका पुर्व अध्यक्ष समेत हुन् भने ,साइला छोरा मिनबहादुर बर्षौदेखि पोखरामा ब्यबसाय गर्दै आएका एक सफल व्यवसायि साथै कास्की कोट पोखरा सम्पर्क समितिका पुर्...

पोखरा पोखरा महानगरपालिका–१७ मा अवस्थित महत्तगौडा क्षेत्रमा यस वर्ष पनि रोपाइँ महोत्सव भव्य रूपमा आयोजना हुने भएको छ। श्री सिदेश्वर बहुउद्देश्यीय कृषि सहकारी संस्थाको पहलमा हुन लागेको उक्त कार्यक्रम विरुवा फाट क्षेत्रमा सम्पन्न हुने छ। कार्यक्रममा क्लब १६ लेकसाइड, ढुंगेसाँघु बोर्डिङ स्कुल महत्तगौडा, स्थानीय आमा समूह, स्थानीय बासिन्दा तथा पोखरा महानगरपालिका कृषि महाशाखालगायतको सहकार्य रहने आयोजक संस्थाले जानकारी दिएको छ। महोत्सवमा परम्परागत रोपाइँ प्रदर्शन, सांस्कृतिक कार्यक्रम, स्थानीय परिकारहरूको प्रदर्शनी र कृषि सम्बन्धी जनचेतनामूलक कार्यक्रमहरू समावेश गरिने बताइएको छ। स्थानीय कृषि पर्यटन प्रवर्द्धन गर्ने उद्देश्यले आयोजना गरिँदै आएको यस महोत्सवले परम्परागत कृषि संस्कृति जगेर्ना गर्न र समुदायमा सहकार्य तथा एकता बढाउन सहयोग पुग्ने विश्वास लिइएको छ। ...

पोखरा , नेकपा (बहुमत)ले राष्ट्रघाती, भ्रष्टाचारी, दलाल, मिटरव्याजी र घुसखोरहरूमाथि कडाभन्दा कडा कारबाही गर्ने चेतावनी दिएको छ। शुक्रबार पोखरामा आयोजित कोणसभालाई सम्बोधन गर्दै पार्टीका विद्यार्थी संगठन अखिल (क्रान्तिकारी)का केन्द्रीय सचिव तथा गण्डकी प्रदेश इञ्चार्ज प्रेम प्रशान्त बोहराले यस्तो चेतावनी दिएका हुन्। सोही अवसरमा पार्टीका नेताहरूले इँटाभट्टामा मानिस जिउँदै जलाएर हत्या गर्ने अभियोगमा दोषी ठहर भइसकेका पूर्वमन्त्री महमद अफताब आलमलाई सफाइ दिने न्यायाधीश थारुलाई कालोमोसो दलेको आरोपमा केन्द्रीय सदस्यहरू अविनाश, पदम र सिरहा जिल्ला सचिवालय सदस्य गर्भू महतो पक्राउ परेको घटनाको विरोध पनि जनाएका थिए। हालै अफताब आलमलाई सफाइ दिने न्यायाधीशहरूलाई कालोमोसो दलिएको घटनामा संलग्न भएको आरोपमा पक्राउ परेका नेकपा (बहुमत) का नेता तथा कार्यकर्ताहरूको रिहाइको माग सहित कास्की प...

पोखरा, पोखरा । पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञमा आज महाआरती हुने भएको छ । महायज्ञका प्रचार प्रसार संयोजक लेखराज ढकालका अनुसार आज बेलुका ६ बजे महाआरती हुदैछ। कोटिहोममा आज बेलुका महाआरती भएको हुँदा सम्पूर्ण भक्तजनलाई सहभागी जनाउन आग्रह गरिएको छ । यसै गरी आज नै कोटिहाममा भजन प्रस्तुत गर्नका लागि चर्चित लोकदोहोरी गायक राजु परियार र लोक दोहोरी गायक सम्झना भण्डारी आउने संयोजक ढकालले जानकारी दिए । यसै गरी आज  देखि नै विभूति (भष्म), तिलक र प्रसाद वितरण गरिने भएको छ ।  त्यसै गरी हवन कुण्डमा रहेका  इट्टा पनि वितरण गरिने भएको छ । उनका अनुसार १ सय रुपैयाँ तिरेर हवन कुण्डमा रहेका इट्टा पनि घरमा लान पाइने व्यवस्था रहेको छ । त्यसै गरी कोटिहोममा रहेका जल सहितको कलश पनि वितरण भइरहेको छ । त्यसै गरी आज नै राष्ट्रिय भजन प्रतियोगिताको प...

पोखरा पोखरा महानगरपालिका–४ मा रहेको एक सुनचाँदी पसलका सञ्चालकसँग ५० लाख रुपैयाँ माग्दै धम्की दिने योजनामा संलग्न तीन जनालाई प्रहरीले पक्राउ गरेको छ। प्रहरीका अनुसार, सोही पसलमा कार्यरत एक महिलाले पसल सञ्चालकमाथि यौन दुर्व्यवहार गरेको आरोप लगाउँदै ५० लाख रुपैयाँ माग्ने योजनासहित जिल्ला मोरङ र संखुवासभामा बसोबास गर्ने आफ्ना दुई जना पुरुष साथीहरूलाई पोखरा बोलाएकी थिइन्। ती तीन जनाले मिलेर पसल सञ्चालककी श्रीमतीलाई पोखरा–६, लेकसाइडस्थित एक होटलमा बोलाई एक सातासम्म बार्गेनिङ गर्दै “जिन्दगीभर पुग्ने धनसम्पत्ति, बस्ने घर र व्यवसायको व्यवस्था गरिदिनु, नत्र तिम्रो श्रीमानमाथि विभिन्न मुद्दा हालेर सडाइदिन्छौं” भन्दै धम्की दिँदै ५० लाख रुपैयाँ माग गरेका थिए। प्राप्त सूचनाको आधारमा जिल्ला प्रहरी कार्यालय कास्कीबाट खटिएको प्रहरी टोलीले ती तीनैजनालाई पक्राउ गरी कास्की जिल्ला अदालतबाट सा...

पोखरा, नेपाल सरकारको २०८२/८३ को बजेटमा सुन, चाँदी र बहुमूल्य पत्थरमा लाग्ने कर वृद्धिको विरोधमा सुनचाँदी व्यवसायीहरूले पोखरामा संयुक्त पत्रकार सम्मेलन गरी शान्तिपूर्ण तर सशक्त आन्दोलन गर्ने घोषणा गरेका छन्। नेपाल सुनचाँदी व्यवसायी संघ, कास्की, नेपाल सुनचाँदी रत्न तथा आभूषण व्यवसायी संघ, कास्की, र नेपाल हस्तकला महासंघ संयुक्त रूपमा प्रस्तुत भएको पत्रकार सम्मेलनमा कर वृद्धि नीति विरुद्ध स्पष्ट असन्तुष्टि व्यक्त गरेका छन । कार्यक्रम सञ्चालन संघका महासचिव पवन सुनारले गरेका थिए। सरकारको कर नीतिको विरोधमा काला पट्टी बाँध्ने, पसलमा प्लेकार्ड राख्ने, र पसलमै विरोध प्रदर्शन गर्ने कार्यक्रम पनि सार्वजनिक गरे। उनका अनुसार देशभरका करिब २५,००० सुनचाँदी व्यवसायीहरू एकजुट भएर आन्दोलनमा उत्रन लागेका छन्। नेपाल सुनचाँदी रत्न तथा आभूषण ...

पोखरा पोखराको श्री गण्डकी शतकुण्डीय गायत्री कोटिहोम विराट ज्ञान महायज्ञमा सोमबार यज्ञको पूर्णाहुति सम्पन्न भएको छ। अमेरिकाबाट आएका धर्मगुरु कालिदास वावा (काली बाबा) ले पूर्णाहुति गरेका हुन्। महायज्ञका संकल्पकर्ता बालयोगेश्वर श्री विजय कृष्णमूर्तिजी महाराजले लामो यात्रापछि पूर्णाहुति गर्न आएकोमा काली बाबाप्रति आभार व्यक्त गरे। काली बाबाले बालयोगेश्वरलाई यज्ञ सम्राटको उपमा दिँदै भने, "यति ठूलो कोटिहोम न हिजो भयो न भोलि हुन्छ, त्यो हिम्मत साथ बालयोगेश्वरले गर्नुभयो। यज्ञ सम्राट, यज्ञ महापुरुषको रूपमा स्थापित हजुरलाई म कोटि कोटि नमन गर्दछु।" पूर्णाहुति पश्चात हवन, पाठ परायण, व्रतबन्ध, चौरासी पूजा लगायतका कार्यक्रमहरू सम्पन्न भएका छन्। चार सयभन्दा बढी ब्राम्हणलाई सम्मानपूर्वक बिदाइ गरिएको छ। वैशाख १९ गते विधिवत् सुरु भएको कोटिहोममा १०८ भागवत महापुराण, ४ वेद पाठ, सप्त चण्डी,...