ताजा समाचार

पोखरा पोखरामा "खेलकुद युवाको शक्ति हो" भन्ने मूल सन्देशका साथ बक्स पोखराको आयोजनामा खुला फुटसल प्रतियोगिता २०८२ असार २७, २८ र २९ गते हुने भएको छ। पोखरा रंगशालाको बहुउद्देश्यीय खेल भवनमा प्रतियोगिता नकआउट प्रणालीमा सञ्चालन हुने पत्रकार सम्मेलनमार्फत जानकारी दिइएको हो। पत्रकार सम्मेलन समारोहका प्रमुख अतिथि खेलकुद पत्रकार मञ्च गण्डकीका अध्यक्ष एम.बी  आस्था मगर रहेका थिए । उनले आफ्नो भनाई राख्दै , "फुटबलले नै नेपाललाई अन्तर्राष्ट्रिय स्तरमा चिनाएको छ। त्यही फुटबलको एउटा अविभाज्य अङ्गको रूपमा रहेको फुटसल आज युवामाझ लोकप्रिय बन्दै गएको छ। यस्तो ठूलो पुरस्कार राशी सहितको खुला प्रतियोगिता आयोजना गर्नु बक्स  पोखराको साहसिक निर्णय हो।" उनले थपे , "राज्यले फुटसललाई अझै औपचारिक मान्यता नदिएको यथार्थ हो, तर हामी सबै मिलेर यसलाई संस्थागत बनाउने पहल गर्नुपर्छ। यसले व...

पोखरा पोखरा महानगरपालिकाको आर्थिक वर्ष ०८१/०८२ को सार्वजनिक सुनुवाइ कार्यक्रम शुक्रबार सम्पन्न भएको छ। सार्वजनिक सुनुवाइ कार्यक्रम पोखरा सभागृहमा भइरहँदा केही वडामा पनि सार्वजनिक सुनुवाइ भइरहेको थियो भने सभागृहमा अपेक्षाकृत उपस्थिति थिएन। कतिपय वडा अध्यक्ष र सदस्यको उपस्थिति नभएको सार्वजनिक सुनुवाइमा उपस्थित रहेका सर्वसाधारण नगरवासीहरूले भने न्यून उपस्थिति देखिएको र लगभग आधा सभा हल खाली रहेकोमा चिन्ता व्यक्त गर्दै, स्थानीय सरकार जस्तो महानगरपालिकाको वार्षिक सार्वजनिक सुनुवाइ कार्यक्रममा यस्तो न्यून उपस्थिति हुनुको कारण के हो भन्ने प्रश्न राखेका थिए। मेयर धनराज आचार्य, जो नेकपा एससँगै तत्कालीन गठबन्धन दल नेपाली काँग्रेस र नेकपा माओवादी केन्द्रको समर्थनमा मेयर पदमा निर्वाचित भएका थिए, भने उपमेयरमा काँग्रेसकै उम्मेदवार पराजित भएका थिए। महानगरका कतिपय पछिल्ला कार्यक्रम र गतिविधिह...

पोखरा, सरकारले वातावरण प्रदूषणबाट मानवीय स्वास्थ्यमा असर परेको भन्दै नागरिक स्वास्थ्य सुरक्षाका लागि इन्धन सवारी विस्थापित गर्दै विद्युतीय सवारी भित्र्याएसँगै नेपालका सडकमा विद्युतीय सवारी गुड्न थालेका छन्।यसरी विद्युतीय सवारी गुड्न थालेपछि पछिल्लो समय इन्धन सवारीको अनुपातमा विद्युतीय सवारी दुर्घटना भएर जनधनको क्षति हुन पुगेको सवारी दुर्घटना तथ्यांकले देखाएको छ। चिल्ला सडकमा नयाँ विद्युतीय सवारी गुड्न थालेपछि आम यात्रुले तीव्र गतिमा हाकेकै कारण अनियन्त्रित भई सवारी दुर्घटना भएका गुनासा आउन थालेपछि, विद्युतीय सवारीबाट हुन सक्ने दुर्घटनालाई न्यूनीकरण गर्न र जनधनको क्षति हुनबाट जोगाउनका लागि, तथा दुर्घटना न्यूनीकरण गर्ने उद्देश्यसहित पोखराका एक सचेत नागरिक शिवराज बस्ताकोटीले विद्युतीय सवारी साधनसँग सम्बन्धित बढ्दो दुर्घटनाप्रति चिन्ता व्यक्त गर्दै जिल्ला ट्राफिक प्रहरी कार्यालय का...

पोखरा गण्डकी प्रदेशस्तरीय महिला टि–२० क्रिकेट प्रतियोगिताका लागि पर्वत जिल्लाले आफ्नो १४ सदस्यीय महिला टोली सार्वजनिक गरेको छ। कप्तानको जिम्मेवारी युवा खेलाडी कृषा अखेलीलाई दिइएको छ भने टोली बुधबारदेखि पोखरा रंगशालामा सुरु हुने प्रतियोगितामा सहभागिता जनाउँदैछ। टोलीमा शुसिला भट्टराई, जिबिका क्षेत्री, प्रतिभा खड्का, अनुषा पौडेल, योगिता केसी, रिदिमा पौडेल, रोजिना चापागाईं, ऐनजल अधिकारी, बिपासा, ऐन्जल परियार, गरिमा केसी, जेनिशा शर्मा र दिपिका सापकोटा रहेका छन्। प्रशिक्षकको भूमिकामा अजय लामिछाने रहेका छन्। गण्डकी प्रादेशिक क्रिकेट संघको आयोजनामा हुने प्रतियोगितामा कास्की, पर्वत, स्याङ्जा र नवलपुर गरी चार जिल्लाको सहभागिता रहनेछ। प्रतियोगिता अन्तर्गत पहिलो दिन (१८ गते बुधबार) कास्की र स्याङ्जा आमने–सामने हुनेछन् भने पर्वतले दोस्रो खेलमा नवलपुरको सामना गर्नेछ। त्यस्तै पर्वतले १९ ...

प्रकाश अधिकारी ,पोखरा ‘मानो रोपेर मुरी फलाउने’- भन्ने नेपाली उखानलाई आत्मसात गर्दै यस वर्षको असार १५ मा पोखराका विभिन्न ठाउँमा आयोजना गरिएका रोपाइँ महोत्सवहरू उल्लासपूर्वक सम्पन्न भएका छन्। धान खेतीप्रति सम्मान, कृषकप्रतिको कदर र कृषि–संस्कृतिको जगेर्ना गर्ने उद्देश्यले आयोजित महोत्सवहरूले पोखरालाई कृषि पर्यटनको आकर्षक गन्तव्यको रूपमा थप उचाइमा पुर्‍याएको छ। गुँदेतालमा २०औँ रोपाइँ महोत्सवपोखरा महानगरपालिका वडा नं. २६ स्थित गुँदेताल क्षेत्रमा पोखरा पर्यटन परिषद्को आयोजनामा २०औँ असारे रोपाइँ महोत्सव भव्य रूपमा सम्पन्न भयो। 'पर्यटन सबै मौसमका लागि' भन्ने मूल नारासहित आयोजित महोत्सवमा परम्परागत हल गोरुद्वारा धान रोपाइँ, हिलो छ्यापाछ्याप, रस्साकस्सी, माछा समाउने, र विविध सांगीतिक प्रस्तुतिहरूले सहभागी तथा दर्शकलाई भरपूर मनोरञ्जन दिलायो। गुँदेतालमा आयोजित पत्रकारहरूको छुट्टै ह...

शुक्रबार -पोखरा २२ पुम्दि भुम्दि सडकखण्डमा टिपरको ठक्कर बाट एक महिलाको ज्यान गएको छ ।पोखरा २२ पुम्दी भुम्दीको बगालटारीमा टिपरले ठक्कर दिँदा स्याङ्जा फेदीखोलाको सर्केटारीकी अन्दाजी बर्ष ३८ कि मिना क्षेत्री गम्भीर घाइते भई उपचारकै क्रममा उनको ज्यान गएको जिल्ला ट्राफिक प्रहरी कार्यालय कास्कीले जनाएको छ। पोखराको छोरेपाटन बाट पुम्दी भुम्दी तर्फ जाँदै गरेको ग १ ख ३४४५ नम्बरको टिपरले सोही दिशा तर्फ जार्दै गरेको ग २६ प १२५९ नम्बरको स्कुटरलाई ठक्कर दिदा स्कुटर चालक गम्भीर घाईते हुनु भएको वहाँलाइ प्रहरी र स्थानियले उद्धार गरी पोखरा स्वास्थ्य विज्ञान प्रतिष्ठान(पश्चिमाञ्चल क्षेत्रिय अस्पतालमा) पुर्याइएकोमा उपचारकै क्रममा निधन भएको प्रहरीले जनाएको छ । उक्त घटना आज करिब १२ः३० बजे भएको को टिप्पर चालक पोखरा २७ दोबिल्ला बस्ने बर्ष ५१ का लक्ष वहादुर महर्जन र टिप्परलाई वप्रका बैदाम प्रहरीले नियन्त्रण...

पोखराको लेकसाइडस्थित बिजी बी रिसोर्टमा यही साउन ४ गते (२० जुलाई २०२५) देखि सुरु हुन लागेको अन्तर्राष्ट्रिय योगा तथा ध्यान शिक्षक प्रशिक्षण कार्यक्रमका लागि सहभागिता खुला गरिएको छ। ७७ दिनसम्म सञ्चालन हुने यस विशेष आवासीय प्रशिक्षणमा योग, ध्यान सम्बन्धी गहन शैक्षिक र जीवन उपयोगी ज्ञान प्रदान गरिनेछ। उक्त कार्यक्रमको नेतृत्व भारतको स्वामी विवेकानन्द योग विश्वविद्यालयबाट योगामा स्नातकोत्तर गरेकी तथा गण्डकी विश्वविद्यालयमा अध्यापन गरिरहेकी ममता अधिकारीले गर्नेछिन्। प्रशिक्षणकी प्रमुख प्रशिक्षिका ममता अधिकारीले योगलाई केवल शारीरिक अभ्यासको रूपमा मात्र नभई आत्मचेतनालाई आध्यात्मिक रूपमा परमात्माको चेतनासँग जोड्ने विज्ञानको रूपमा बुझ्नुपर्ने बताइन्। उनले भनिन् – “आज विश्वभर योग पश्चिमीकरण हुँदै व्यावसायिक रूपमा फैलिएको छ, तर योगको मूल सार भनेको आफैंलाई चिन्नु हो। योग अनुशासन हो, योग जी...

प्रकाश अधिकारी,पोखरा "सूचना मागौं: भ्रष्टाचार अन्त्य गरौं" भन्ने मूल नारासहित पोखराको न्यूरोडस्थित होटल दीपसागरमा आयोजित कार्यक्रमका प्रमुख वक्ता गण्डकी प्रदेशका मुख्यमन्त्री सुरेन्द्रराज पाण्डेले पत्रकारिता पेशामा सत्य, प्रमाण र जिम्मेवारीका आधारमा काम गर्नुपर्नेमा जोड दिएका छन्। "पत्रकारहरू तथ्यमा आधारित समाचार सम्प्रेषण गर्नुपर्छ," मुख्यमन्त्री पाण्डेले भने, "व्यक्तिगत पूर्वाग्रहले पत्रकारितालाई कमजोर बनाउँछ, यसबाट टाढा रहन जरुरी छ।" सूचनाको हक सबै नागरिकको अधिकार भएको स्वीकार गर्दै उनले त्यसको दुरुपयोग भए समाजमा भ्रम फैलिने खतरा रहेको बताए।"सूचनाको हकको नाममा सामाजिक सञ्जालका अप्रमाणित सामग्रीलाई समाचार बनाउने प्रवृत्ति गलत हो," उनले चेतावनी दिए, "यस्तो अभ्यासले लोकतन्त्रलाई नै कमजोर पार्न सक्छ।" मुख्यमन्त्री पाण्डेले स्वतन्त्रता र नियन्त्रणबीचको सन्तुलन आवश्यक रह...

पोखरा महानगरपालिका–८ स्थित होटल मित्र, पृथ्वीचोकमा नेवा जागरण मञ्च कास्कीको आयोजनामा यमरी र चटामरी बनाउने तीन दिने विशेष तालिम सुरु भएको छ। तालिमको उद्घाटन वडा नं. ८ का वडाध्यक्ष रुद्रनाथ बरालले गरेका थिए। उद्घाटन समारोह मञ्चका अध्यक्ष राजेन्द्रमान श्रेष्ठको अध्यक्षतामा सम्पन्न भएको थियो। कार्यक्रममा वरिष्ठ उपाध्यक्ष सन्तोष श्रेष्ठले स्वागत मन्तव्य राखेका थिए भने वरिष्ठ सल्लाहकार उदय बहादुर अमात्य, संरक्षक राजेन्द्र साई, र विशेष अतिथि अशोक कुमार पालिखेले आ–आफ्ना विचार तथा शुभकामना व्यक्त गरे। तालिममा यमरी तथा चटामरी जस्ता नेवा समुदायका मौलिक परिकार तयार गर्ने व्यावहारिक सीप सिकाइँदैछ। प्रशिक्षकको रूपमा मनिला ताम्रकारले सहभागीहरूलाई परिकार बनाउने व्यावसायिक तथा परम्परागत तरिका प्रस्तुत गरिरहेकी छन्। साथै, अधिवक्ता राजेन्द्रमान श्रेष्ठले यमरी र चटामरीको सांस्कृतिक, ऐतिहासिक र सैद्...

पोखरा पोखरामा अवैध सुनका गरगहना बिक्री गर्न खोजेका दुई जना भारत र नेपालका नागरिक पोखराबाट बुटवल फर्किंदै गर्दा पुम्दिभुम्दिमा पक्राउ परेका छन्। जिल्ला प्रहरी कार्यालय कास्कीको विशेष टोलीले मंगलबार उनीहरूलाई नियन्त्रणमा लिएको हो। पक्राउ परेका व्यक्तिहरू भारत, पञ्जाब अमृतसरका ४९ वर्षीय कुलदीप सिंह र रुपन्देही तिलोत्तमा नगरपालिका १६, पूर्वबहिया निवासी ४७ वर्षीय रामबहादुर बिक रहेका छन्। उनीहरूले झण्डै १ करोड ३० लाख रुपैयाँ बराबरको गरगहना साथमा राखेका थिए। प्रहरीका अनुसार दुवै जनाले पोखराका सुन पसलहरूमा बिना बिलका सुनका गहना बिक्री गर्न खोजेका थिए। तर पसलेहरूले बिल र कागजात नभएको भन्दै गहना नकिनेपछि, उनीहरू माइक्रोबस चढेर बुटवल फर्किंदै थिए। यही क्रममा पुम्दिभुम्दिमा चेकजाँचका क्रममा प्रहरीले उनीहरूलाई पक्राउ गरेको हो। बरामद गरगहनामा सुनका ढिक्का , सिक्री, दानावाला मा...