ताजा समाचार

पोखरा, १२ सोमबार – पोखराको जिरो किमी फिर्के नजिकै रहेको यातायात व्यवसायीहरूको सबैभन्दा पुरानो संस्था पृथ्वी राजमार्ग बस सञ्चालक कम्पनी प्रा.लि. ले आफ्नै कार्यालय परिसरमा फास्ट चार्जिङ स्टेसनको शुभारम्भ गरेको छ। कम्पनीद्वारा आफ्नै कार्यालयमा जडान गरिएको फास्ट चार्जिङ मेसिनको औपचारिक उद्घाटन कार्यक्रमका प्रमुख अतिथि कम्पनीका संरक्षक केशव प्रसाद अधिकारीले सोमबार शुभारम्भ गर्नु भयो। चार्जिङ मेसिनको उद्घाटनपछि संरक्षक अधिकारीले विगतमा कम्पनीले पेट्रोल पम्प सञ्चालन गर्दै आएको भए पनि आजको प्रविधियुक्त युगमा विद्युतीय सवारी साधन भित्रिएसँगै समयानुकूल सुविधा उपलब्ध गराउनु कम्पनीका लागि गौरवको विषय भएको बताउनुभयो। उहाँले सो चार्जिङ मेसिन कम्पनीको पहिलो प्रयास भएको उल्लेख गर्दै, भविष्यमा आम व्यवसायीलाई अझ सहज हुने गरी चार्जिङ स्टेसनको सेवा विस्तार गर्न कम्पनी सफल हुनेमा आफू पूर्...

पोखरा स्वास्थ्य बिमाबाट आम नागरिकले ३/३ महिनाका लागि पाउने बिमा अौषधि अब भने नपाउने भएका छन्। स्वास्थ बिमा वोर्डले सुचिकृत अस्पताललाइ समयमै तोकिएको बिमा भुक्तानी नगरेकै कारण यस्तो अवस्था आएको छ।सुचिकृतत अस्पतालले भने अब १५/ १५ दिनका लागि मात्रै अौषधि दिन थालेका छन्। जसले गर्दा तिन महिना पछि मात्रै शहरी स्वास्थ्य प्रवर्धन महाशाखामा अौषधि लिन वा अौषधिका लागि सुचिकृत अस्पताल जानका लागि रिफर पेपर लिन आउने सेवाग्राहीले अब भने १५ दिनमा आउनु पर्ने भएको छ।करिव डेढ महिना देखि यस्तो अवस्था आएको शाखा प्रमुख सुवेदिले वताए।यस्तो अवस्था आएपछि आम नागरिकले सेवालिन आउदा १५/१५ दिनमै आउनु पर्नेे हुदा सास्ती पाउनुका साथै शहरि स्वास्थ प्रवर्द्धन महाशाखामा समेत थेग्नै भा पर्ने गरि दिनहु सेवाग्राहीको चाप बढ्दै जान थालेको शहरि स्वास्थ्य प्रवर्द्धन महाशाखा केन्द्र प्रमुख कुस्मराज सुवेदिले वताएका छ...

पोखरा नेकपा एमाले र माओवादी केन्द्रबीच चर्को आरोप-प्रत्यारोपका बीच पोखरा राजनीतिक बहसको केन्द्र बनेको छ। राष्ट्रिय युवा सङ्घ नेपालको १०औँ महाधिवेशन र माओवादी केन्द्रको मध्यपहाडी लोकमार्ग जनजागरण अभियानले पोखरालाई राजनीतिक रंगमञ्च बनाइदिएको छ। यही कार्यक्रममा एमाले नेता महेश बस्नेतले माओवादी अध्यक्ष प्रचण्डमाथि सत्ता नपाएको झोकमा देश दौडाहामा निस्किएको आरोप लगाउनुभयो। "मान्छे र वनमान्छेको जति फरक छ, केपी ओली र प्रचण्डको त्यति नै फरक छ," भन्दै बस्नेतले प्रचण्डको अभियानमाथि प्रश्न उठाउनुभयो।यता, प्रचण्डले पनि जवाफ फर्काउन पछि परेनन्। प्रचण्डले ओलीप्रति व्यंग्य गर्दै भन्नुभयो, “यदि प्रधानमन्त्री ओलीले मलाई राजावादीसँग मिलेको भनेका हुन् भने, म उनलाई एक पटक मानसिक अस्पताल जान सुझाव दिन्छु।” https://youtu.be/uE_GLhHH2g0 प्रेस सेन्टर नेपाल गण्डकी प्रदेशले आयोजना गरेको प...

पोखरा गण्डकी प्रदेशको पुरानो र सक्रिय कला संस्था सिर्जनशील कलाकार समूहले दोस्रो गण्डकी प्रज्ञा प्रतिष्ठानको गठनमा ललितकला क्षेत्रको प्रतिनिधित्व सुनिश्चित गर्न माग गरेको छ। समूहले सामाजिक विकास, युवा तथा खेलकुद मन्त्री बिन्दुकुमार थापालाई सोमबार बुझाएको ज्ञापनपत्रमार्फत पहिलो प्रतिष्ठान गठनमा ललितकला क्षेत्रलाई उपेक्षा गरिएको भन्दै गम्भीर आपत्ति जनाएको छ। ज्ञापनपत्र अनुसार, २०२८ देखि सक्रिय रहेको सिर्जनशील कलाकार समूह वि.सं. २०५६ मा स्थापना भएको गण्डकी प्रदेशकै सबैभन्दा पुरानो र सक्रिय गैर–नाफामूलक कला संस्था हो। यसले कलाको विकास, पर्यटन प्रवर्द्धन, सांस्कृतिक संरक्षण र नयाँ कलाकारको प्रोत्साहनमा निरन्तर योगदान दिँदै आएको छ। ज्ञापनपत्रमा भनिएको छ, "गण्डकी प्रदेशमा प्रज्ञा प्रतिष्ठानजस्तो महत्वपूर्ण संरचना गठन गर्दा ललितकला क्षेत्रको उपस्थिति नहुनु अन्यायपूर्ण छ। अब...

पोखरा नेपाल कम्युनिष्ट पार्टी (माओवादी केन्द्र) पोखरा महानगर समितिले यही जेठ १० गते चिप्लेढुङ्गामा विशाल जनसभा गर्ने भएको छ। ‘मध्यपहाडी पुष्पलाल लोकमार्ग जनजागरण अभियान’ अन्तर्गत आयोजना हुने जनसभालाई पार्टी अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ सहित शीर्ष नेताहरूले सम्बोधन गर्ने कार्यक्रम तय गरिएको छ। पहिला शहीदचोकमा गर्ने भनिएको यो जनसभा अहिले चिप्लेढुङ्गामा सर्ने तयारी भएको छ। कार्यक्रममा पोखराका ३३ वटै वडाबाट प्रतिनिधिहरूको सहभागिता सुनिश्चित गर्न प्रतिनिधि छनोट गरिएको छ। पार्टीको हालै सम्पन्न विस्तारित बैठकले वडागत प्रतिनिधि, स्वयंसेवक परिचालन, प्रचारप्रसार, आतिथ्य, आवास, लेखन तथा रिपोर्टिङसम्बन्धी जिम्मेवारी बाँडफाँड गर्दै विभिन्न समिति गठन गरेको छ। जनसभा सम्पन्नपछिको महानगर सम्मेलन जेठ २४ गते उद्घाटन भई २५ गते बन्द सत्रसहित सम्पन्न हुने जानकारी दिइए...

पोखरा ऐतिहासिक गण्डकी शत कुण्डीय कोटिहोम महायज्ञ सञ्चालन भइरहेको स्थानलाई स्थानीयवासीले ‘कोटिहोम चोक’ नामकरण गरेका छन्। माछापुच्छ्रे टोल र पाल्पाली मार्गका नामले चिनिँदै आएको उक्त स्थान अबदेखि कोटिहोम चोकका रूपमा चिनिने भएको हो। आज स्थानीयको सक्रियतामा बोर्डसहित कोटिहोम चोकको औपचारिक नामाकरण गरिएको हो। स्थानीय समाजसेवी शारदा पंगेनीका अनुसार, “हाम्रो पालोमा यस्तो दिव्य कोटिहोम महायज्ञको साक्षी हुन पाउनु भाग्यको कुरा हो। भावी पुस्ताले पनि यो ऐतिहासिक अवसरलाई सम्झन सकून् भन्ने हेतुले चोकको नाम कोटिहोमसँग जोडिएको हो।” त्यस्तै, स्थानीय धनी प्रसाद ढकालले भने, “अहिले त हामीले सानो बोर्ड राखेका छौं, तर आगामी वर्ष कोटिहोम महायज्ञको स्मारकका रूपमा ठूलो प्रवेशद्वार निर्माण गर्ने योजना छ।” स्थानीय बिनोद केसीले कोटिहोम चोक नामकरणले स्थान पहिचान गर्न सहज हुने र सांस्कृतिक सन्देश फैलाउने...

पोखरा लागू औषध कारोबार भईरहेको सूचनाको आधारमा प्रहरीले माछापुच्छ्रे गाउँपालिका–७ स्थित घट्टेखोलामा १ मानिसलाई लागू औषधसहित पक्राउ गरेको छ। जिल्ला प्रहरी कार्यालय कास्की र लागू औषध नियन्त्रण ब्यूरो, शाखा कार्यालय पोखराबाट खटिएको संयुक्त प्रहरी टोलीले धम्पुसका ४१ वर्षीय युवराज गुरुङलाई नियन्त्रणमा लिएको हो। उनको साथबाट बुप्रिनोर्फिन ४६ एम्पुल, डाइजेपाम ४१ एम्पुल, फेनारगन ४६ एम्पुल गरी कुल १३३ एम्पुल लागू औषध र एक थान मोबाइल फोन बरामद गरिएको प्रहरीले जनाएको छ। पक्राउ परेका गुरुङमाथि लागू औषधसम्बन्धी मुद्दामा कास्की जिल्ला अदालतबाटपाँच दिनको म्याद थप गरी अनुसन्धान थालिएको प्रहरीले जनाएको छ। ...

पोखरा नेपाल भलिवल संघको आयोजनामा पोखरामा ‘नवौ प्रधानमन्त्री कप– एन.भी.ए महिला तथा पुरुष भलिवल लिग २०८२’ आयोजना हुने भएको छ । यही जेठ ८ गतेदेखि १५ गतेसम्म कास्कीको पोखरामा सञ्चालन हुने यस प्रतियोगितामा देशभरका शीर्ष क्लबहरूको सहभागिता रहनेछ । संघले प्रतियोगिता भव्य र व्यवस्थित बनाउन करिब ९० लाख रुपैयाँ खर्च हुने र ३२ लाख रुपैयाँ बराबरको पुरस्कार राशी रहने जानकारी दिएको छ । पोखरामा आयोजित पत्रकार सम्मेलनमा नेपाल भलिवल संघका अध्यक्ष जितेन्द्रबहादुर चन्दले पोखरा कुनै पनि राष्ट्रिय तथा अन्तर्राष्ट्रिय प्रतियोगिता आयोजना गर्न सक्ने पूर्ण क्षमता बोकेको शहर भएको उल्लेख गर्दै पोखरालाई भलिवुड सिटीको रूपमा स्थापित गर्ने दिशामा संघ अघि बढेको बताए । उनले यस प्रतियोगिताको सफल आयोजना गर्न सबै पक्षको सहयोग अपेक्षित रहेको भन्दै आगामी दिनमा काभा च्याम्पियनसिपजस्ता ठूला प्रतियोगिता पनि पोखराम...

पोखरा जनता सङ्ग माओवादी केन्द्रले सञ्चालन गरिरहेको मध्यपहाडी लोकमार्ग जनजागरण अभियान अन्तर्गत यही जेठ १० गते पोखराको चिप्लेढुंगामा विशाल जनसभा आयोजना हुने भएको छ। उक्त सभामा पार्टी अध्यक्ष एवं पूर्वप्रधानमन्त्री पुष्पकमल दाहाल 'प्रचण्ड' सहित शीर्ष नेताहरूले सम्बोधन गर्ने कार्यक्रम रहेको छ। यसै सन्दर्भमा नेकपा (माओवादी केन्द्र)का उपमहासचिव एवं पूर्वअर्थमन्त्री वर्षमान पुन आइतबार अपरान्ह काठमाडौँबाट थवाङ जाँदै गर्दा पोखरामा केहीबेर रोकिएर पत्रकारसँग भेटघाट गरे। भेटघाटमा पुनले अहिलेको सरकारलाई बिचौलियाहरूले बनाइदिएको बताउँदै उनीहरूकै हितमा काम गरिरहेको आरोप लगाए। "हामीले त्यतिबेलै भनेका थियौँ, अहिले प्रमाणित भइसकेको छ," उनले भने। पुनले सुशासन कमजोर बनाउन र भ्रष्टाचार संस्थागत गर्न वर्तमान संयुक्त सरकार लागिपरेको आरोप पनि लगाए।...

पोखरा, पोखरामा आयोजित गण्डकी शतकुण्डीय गायत्री कोटिहोम विराट ज्ञान महायज्ञमा पुनः अन्तर्राष्ट्रिय ख्यातिप्राप्त कथावाचिका देवी प्रतिभाको आगमन हुने भएको छ। भक्तजनको आग्रह र आयोजकको पहलमा उनी फेरि एक पटक आफ्नो कोकिल स्वरमा श्रीमद्भागवत कथा प्रस्तुत गर्न आउँदैछिन्। देवी प्रतिभाले जेठ १० देखि १६ गतेसम्म कोटिहोमको पावन मञ्चबाट कथा वाचन गर्ने कार्यक्रम तय गरिएको प्रचारप्रसार संयोजक लेखराज ढकालले जानकारी दिए। यसअघि १४ दिनसम्म कथा वाचन गरेर श्रोताको मन जितेकी देवी प्रतिभाको कथा शैली यति प्रभावशाली रह्यो कि उनको विदाइको दिन धेरैको आँखाबाट आँसु बगेको थियो। उनको 'प्यार से बोलो ना' भन्ने शैली, भावपूर्ण कथा, र आध्यात्मिक ऊर्जाले महायज्ञस्थल गुञ्जायमान हुने विश्वास गरिएको छ। यति मात्र होइन, उनी कथा वाचनमा कहिले भावुक बनाउँछिन्, कहिले कोमल हास्य छर्छिन्, जसले श्रोतालाई मन्त्रमुग्ध बनाउँछ। ...